بسم الله الرحمن الرحيم
السلام عليكم ورحمة الله وبركاته

احب اعرض عليكم اشكالية حاصله معي ولجهلي بالنظام الجامعي فاني احس بالظلم

وعشان كذا انا ودي استشيركم واعرف عن طريقكم وش اقدر اسوي في هذي الحاله

انا طالب في جامعة نجران / كلية المجتمع بنجران / قسم المختبرات الطبية/ ندرس دبلوم مختبر
مدة دراستنا ثلاث سنوات / سنتين ونص دراسه وترم تطبيق / انا خلصت الدراسه باقي لي ترم تطبيق في مستشفى او عدد من المستشفيات.
المهم يوم انتهيت من الاختبارات دخلت على العميد وقلت ياطويل العمر انا انهيت دراستي وباقي التطبيق والحين بيبتدي فصل الصيف اللي تقريبا مدته ثلاثة اشهر
لو بغيت اطبق في الصيف مع العلم ان حنا ما عندنا صيفي نهائيا كيف اقدر اسوي؟
قال / والله ما ادري لان ما مرت علي نفس هذي الحاله. ولكن ارجع لي بعد اسبوع انا باراسل الجامعه .
قلت ولا يهمك
رجعت بعد اسبوع ابيه ما الاقيه
عاد رحت الرياض لكلية العلوم الصحيه قالو لازم ورقه من الكلية حقتك تتوجه الينا بالموافقه بالاشراف عليك خلال فترة تدريبك عندنا بالرياض باحد المستشفيات
اتصلت بهم بنجران قال العميد لعمي مستحيل والكلام هذا مايصير لان طلابنا يتم تقييمهم خلال فترة التدريب .
طيب في هذي الحاله وش السواه .
؟؟
هل طلاب كلية المجتمع يتم تقييمهم . وكلية العلوووم الصحية لأ ؟ بصراحة ما اتوقع
(سمعت) ان فيه ترم اسمه ترم زائر . يقوم الطالب باكمال دراسته في احدى الجامعات ثم يتم معالدلتها في كليته ؟ صح ولا انا غلطان.؟؟
قمت بالاتصال بادارة الجماعه حقتنا بابها لاننا ما زلنا تابعين لجامعة الملك خالد . وقلت لهم عميد شكله ما يعرف النظاام ( مع احترامي له ) ولكن يمكن كبريائه يمنعه من السؤال عن بعض النقاط في بعض الانظمه والحالات.


((قال وكيل الجامعه)) هو صح يمكن عميدكم مايعرف ولكن حنا مالنا صلاحية ان حنا نسمح لك بالتطبيق او التدريب خلال فترة الصيف بدون الرجوع اليه ولذلك مالك الاتصبر الين يجي الترم الجاي وتطبق..
-----------------------------------------------------

الحين عميدنا رافض وادارته مالها صلاحية عليه انا وش ذنبي
معنى ان انا اطبق الترم الجاي هو انتظر 3 شهوور وابدأ في رمضان وانتهي في نهاية محررم واستلم الوثيقه في صفر على بال ما اخذها واكمل اجراءات تصديقها من هيئة التخصصات الطبيه يكون انهتى الترم الثاني من عام 28/29 اللي السنه الجاية
الان من اقدر اعرض موضوعي عليه وياليت لو تفيدوووني

تكفووووووووووووووووووووووووووووون

ولكم خالص تحياتي