السلام عليكم ورحمة الله وبركاته اخواني واخواتي جزاكم الله خير افيدوني السالفه وما فيها ابغى اكمل دراستي الجامعيه نسبتي 80 %ولي خمس سنوات متخرجه من الثانويه فحاولت اسجل في جامعة الملك عبدالعزيز انتساب قسم علم اجتماع او اداره بس للاسف مافيه مقاعد متوفره يعني قفلو ففكرت اسجل في الجامعه اليمنيه انتساب وهذا لترم واحد فقط اللي ابي اعرفه هل فيه فرصة تسجيل ترم ثاني في جامعة الملك عبدالعزيز وفي حال لو فيه فرصه هل يعادلونلي المواد اللي درستها في الجامعه اليمنيه واللا لا ولو هذا كله مو موجود وش تنصحوني اسوي هل ادرس انتساب في جامعة حضرموت او صنعا في اليمن ولاكن انتساب والقسم اللي ابغاه هو علم نفس او اجتماع طبعا انا سالت عن الجامعه اليمنيه اذا معترف فيها واللافقالو اذا انتظام معترف فيها لاكن انتساب في طريقهم انهم يعترفون فيها وقالولي يدعمها برظو رجال الاعمال في الحقيقه فكرت اني ادرس في الجامعه العربيه المفتوحه قسم لغه انجليزيه وهذا خيار اخير بالنسبه لي وش اسوي ابي شوركم امانه ساعدوني ولاتتاخرون علي والله يجعل هذا في موازين اعمالكم واذا فيه لكم اي اقتراح غير ياليت ماتبخلون علي فيه لاني ميته على الدراسه وابغى اكمل جامعه ................ وبصراحه انا مره محتاااااره ارجوكم ماتتاخرون علي بالرد.......... ولكم مني جزيل الشكر والامتنان::(51)::

* للأسف أختي العزيزة مافي ترم ثاني في الجامعة .

* وبنسبة لمعادلة المواد جامعة الملك عبد العزيز تعادل المواد ولكن راح يتطلب تصديق من السفارة بنسبةللجامعة اليمنية وسين وجيم وروحه وجيه .

* ونصيحتي لكي أختي أن تنتضري الى العام القادم وتنتسبي فب الجامعة أو أنك تشوفي جامعة أخرى تناسب أمكانياتك وظروفك .

والله الموفق ،،،

حياك الله الاخت طموحة وزي ما تفضل الاخ جوهر العنزي للأسف ما فيه تقدم للترم الثاني في جامعة الملك عبدالعزيز

وبالنسبه لمعادلة المواد لا يتم معادلة اي ماده تم دراستها خارج الجامعه عند التقديم.

وكما افادوك ان الدراسه انتظام في الجامعه اليمنيه معترف بها من قبل وزارة التعليم العالي اما الانتساب فلم يعترف بها حتى الان

والجامعه العربية المفتوحه معتمده ولكن الدراسه فيها بكل صراحه تحتاج الى مجهود كبير لصعوبتها مقارنةً بجامعة الملك عبدالعزيز

ورأي انك اما تدرسي في الجامعه العربية المفتوحه او تنتظري حتى العام القادم ولله الموفق

شكرا لك اخ جوهر العنزي ومحمد على افادتكم لي ...............شكرا