السلام عليكم ورحمة الله وبركاته


لو سمحتوا الحقوني
نفسي أعرف في جامعة أم القرى قسم الحاسب الآلي له قسم خاص من بداية الدراسة فيه
ولا زي في جدة لازم ندرس ثلاث مستويات عام علوم يعني سنة ونص وبعدين نتخصص في قسم الحاسب على حسب معدل الطالبة؟؟؟

وشكرا

ايوه ياستي في عندنا بس حقت الرياضيات تقول لاتدخلوه سنتين تدرسوا رياضيات وبعدين حاسب <<<<<<<دا كلامها انا مدري


انبسطي انتي اول وحده رديت عليكي

وعليكم السلام ورحمة الله وبركاته

بنوته في عندنا قسم حاسب آلي,,الله يحييك في جامعتنا

*غـــــــرورالــــــــورد*

كلمت لك خويتي هناك وتقوووول حياك ربي فـيه

السلام عليكم

اهلييين فيكي في جامعتنا وبصراحه انا انصحك تسجلي في قسم الحاسب بالذات دحين بعد ما اتغيرت الخطه الدراسيه وصرت خمسه سنين وصار فيها مواد مره حلوه من جد لا تفوتك وحتستفيدي منها ان شا الله
وبعدين عندنا في مكه الدراسه على طول تخصص مافي زي جده في الاول علوم بعدين تخصص لا من اول سنه تكوني في كلية الحاسب الالي ونظم المعلومات قسم حاسب الي
والله يحيكي عندنا
واذا تحتاجي اي مساعده من عيوني اتفضلي انا من مكه قسم حاسب الي حتخرج هذا الترم ان شا الله

لولا

يلا اهو جيت أرد على سؤالك لقيت اختي لولا كفت ووفت:)

انصحك روحي اي جامعة ولا تروحين جامعة ام القرى اولا القسم زي الزفت من دكاترة ومقررات ثانيا العمادة والا الجامعة ككل تحب ان تهين الطلاب خاصة في ايام الاضافة والحذف
وانت شوفي اللي يصلح لك

انا اقول عقلك براسك تعفي خلاصك

السلام عليكم
حياتي كنت برد عليكي بنفس الكلام اللي لولا قالتوا بالضبط لاني معاها في نفس الدفعه وبنتخرج سواا ان شالله الله يحيكي بجامعتنا .. وبالتوفيق يارب

والله ياقلبي انا اشوف انك تستخيرين اولاً والله يوفقك..
ثانياً قسم الحاسب قسم مرغوب جداً وزي ما قالت لولا القسم بعد التعديلات والخطه الجديده سارت في قمة الروعه وعلى طول تدخلي في مواد تخصص بس بالتدريج يعني في البدايه تأخذي مادتين تخصص مع مواد عامه وزي كذا بالتدريج الين يسير المستوى كله تخصص..
الله يكتب لك اللي فيه الخير...