ألحقوني يا جماعة الخير وساعدوني .....وماانسا كم إن شاء الله في دعائي ..أكيد يتقولون وش تبي ذي توها تصحى لنفسها بس والله إني فقدت الأمل .. المهم مشكلتي إني تخرجت من الثانوي عام 1422 ه بنسبة 97 قسم أدبي ولما جيت أسجل أهلي مارضوا لي أروح الرياض عشان ادرس التخصص إلي ابيه ولا حتى الجبيل إلي هي جنبنا وما رضيت أسجل في كلية الآداب لكن ما عطوني وجه.. وسجلت في الكلية في تخصص مالي علاقة فيه ابد ا وحاولت بعد كذا أحول لكن بدون فايده وحاولت اقنع أهلي يدرسوني بفلوس لكن مارضوا وقالوا لي ادرسي بنسبتك وهذا انا الحين بعد ما تخرجت من الكلية لا لقيت وظيفة ولا قدرت ادرس بالمراسلة وتسكرت الأبواب في وجهي ويا خسارة ال97 فيا ريت تساعدوني وتدلوني على الجامعات إلي تقبلني انتساب تخصص انجليزي أو إدارة إعمال إذا توفر (سواء في الرياض أو الإحساء )وارجوا منكم مساعدتي والد على مشكلتي.........

هلا بالغالية أغصان

كيييفك ...


والله مشكلة التخصص و الأهل ربي يساعدك يارب


بس حاولي تدخلي تخصص مقارب

حتى ماتخسرين السنوات الماضية اللي درستيها

بالنسبة للأحساء بيها إدارة بس انتساب والله ماادري


انجليزي تقدري تدرسين دورات مكثفة و بتلقين وظااايف بيها مع شهادة البكالوريوس



مو لازم تكون عي التخصص الأصلي

كذا ديوان العمل


وكثييير من ربعي توظفوا بشهادات دورات او دبلوم مو بالشهادات الجامعية

يعني الشهادة الجامعة مكملة او مؤهلة اكثرا في التوظيف بس

اتمنى اكون افدتك

واي سؤااااال حاااضرييين

.


.

عزيزتي
ايقني غاليتي ان كل امر قدر لكِ هو خير
اما بالنسبه لطلبكِ عزيزتي
فيوجد هناك قسم انجليزي انتساب في المنطقه الشرقيه
وتحديدا بالدمام
في كلية الاداب
وقد جلبت لكِ الشروط
http://www.dg-ac.com/college/sys_desc.aspx?e=2&menu=7
اذا توفرت لديكِ فتوكلي على الله غاليتي
اتمنى لك التوفيق عزيزتي

.


.