|
مشاهدة النسخة كاملة : حرام عليكم!! ياأعضاء المنتدى Ineed you 29-08-2007, 12:50 PM أولا:بسم الله الرحمن الرحيم بصراحة أنا مصدومه معقولة!! مافي أحد يرد علي؟؟ معقولة ماعندكم فكرة عن المعاهد وأنتوا أغلبكم مسجل بالاكاديمية يعني اقل شي عمل خيري تكسبون فيه أجر بدل الذنوب الي ناخذها على العموم أنا أسفه شكلي دخلت بالغلط!!! طالب تمريض 29-08-2007, 09:38 PM سلام من افضل المعاهد الاكاديميه والسباعي والتنمية... ابعدي عن التنميه تدريسهم مو لهناك بالنسبه للبنات.. والكتب انت اللي تشتريها او تطبعيها.. افضل شي الاكاديميه والسباعي وادا تبغي رايي دخلي الاكاديميه... Ineed you 30-08-2007, 12:29 AM يعطيك العافية أخوي((طالب تمريض)) أبسأل عن التمريض للبنات شرايكم فيه سهل والاصعب لاني حابه أدخله. طالب تمريض 30-08-2007, 12:37 AM شوفي اختي مافي شي سهل ولا صعب ادا انت تحبي التخصص وراغبه فيه مثلا انا احب التمريض ملاحظه (كنت قبل في معهد التنمية تخصص مساعد تمريض) والحين في الاكاديميه وبديت من جديد لانهم مارضيو يعادلو ساعاتي اللي شفته في التمريض انه حلو واني استمتع فيه.. وبما ان الشخص يحب شي اكيد بيبدع فيه ادا انت تحبي التمريض توكلي على الله ودخليه ومع الدراسه راح تحبيه اكثر وخاصة عند نزولش للمستشفى.. اسمر واسع العين 30-08-2007, 12:40 AM بنسبة لي التمريض في الأكاديمية انا اول مادخلت حست ان صعب وكنت خايفة مرة لأن الدراسة انكليزي وانا لغتي ماكانت كويسة بس اشو ي اشوي الحمد لله صرت تمم وتخرجت بتقدير ممتاز بس اهم شيء الأهتمام والمراجعة Ineed you 30-08-2007, 04:30 AM ((يعطيكم ألف ألف عافية على المساعدة)) أبسأل عن السجلات والمختبرات شرايكم فيها؟؟وهل هي معتمدة؟؟ وشلون التوظيف فيها؟؟ لان بصراحة أخواني رافضين أدخل التمريض يقولون مختلط ومتعب الدوام طالب تمريض 30-08-2007, 04:47 AM اختي كل المجالات الطبيه مختلطه.. بالنسبه للمختبرات معتمد اللي في الاكادميه للبنات بالدمام.. قسم حلو ويقولوا التوظيف فيه اسرع من التخصصات الثانيه.. وهي يعتمد على الكيمياء والمعادلات... بالنسبه للسجلات ما انصحش فيه التوظيف فيه صعب... وادا انت من الدمام او بتدرسي في الدمام ترى السجلات مو معتمد وتقدري تدخلي موقع الهيئة الصحية وشوفي الاقسام المعتمده حق كل معهد واعيد واقول لك كل التخصصات الصحية فيها اختلاط بس انت تقدري تفهمي اهلش ان الاختلاط للعمل... جوري الورد 30-08-2007, 05:33 AM اختي اذا كنتي في الدمام انصحك تدخلين مختبرات او تمريض لانهم تخصصات معترفه وبالنسبه الى الدراسه شي طبيعي تلقين صعوبه في البدايه ولكن دراستهم حلوووه بسرعه راح تمشين فيهااا وبالمذاكره مافيه شي صعب ومثل ماقالوا الاخوان اذا كنتي حابه التخصص مابتلاقين صعووبه فيه واي مساعده حاضرين Ineed you 30-08-2007, 11:36 PM يعطيكم ألف عافية على المساعدة بس أنا من الرياض مدري أخاف مافي توظيف للمختبرات والتمريض أختي ((جوري الورد)) أبسألج عن التمريض مرتاحة فيه وأي سنة أنتي؟؟ والله أحس اني أزعجتكم طالب تمريض 31-08-2007, 12:37 AM اختي بالعكس انا حاضرين لك واي سؤال راح نجاوبك اياه اذا تبغي رايي ادخلي تمريض التمريض مجاله واسع وتقدري تشتغلي في اي قسم عكس الاقسام الثانيه المحتكره في قسم معين مسك الروح 31-08-2007, 03:15 AM بالعكس اختي مجال المختبرات ايضا مطلوب ولكن مجال التمريض مطلوب اكثر وانتي استخيري ربك وشوفي ايش اللي يناسب ميولك وترتاح له نفسك وموفقة ان شاء الله Ineed you 31-08-2007, 08:33 AM ألف ألف شكر ((طالب تمريض)) ((ومسك الروح)) على المرور والاهتمام اسمر واسع العين 02-09-2007, 12:37 AM شدعوا انا مالي شكر عفوآ انا في ردي أخطأت بكلمة (تخرجت ) انا لسة ماتخرجت اقصد نجحت والله يوفق الجميع جوري الورد 02-09-2007, 07:01 AM اختي انا رايحه مستوى ثاني والدراسه حلووه وانا مرتاحه فيها واذا كانت عندك رغبه اكيد رااح تكون بسيطه اهم شي تكوني حابه التخصص وبالنسبه الى التخصصات المعترفه في الرياض مااعرف عنها شي لاني في الدمام واسفه على التاخير وحنا تحت امرك Ineed you 02-09-2007, 07:41 AM أنا أسفه يعطيج العافيةأختي ((أسمر واسع العين)) على المساعدة والله ماقصرتي وألف شكر أختي((جوري الورد)) طالب تمريض 02-09-2007, 07:49 AM ها اختي وش سويتي سجلتي او لا؟؟ |