السلام عليكم ورحة الله وبركاته

انا عضوه جديده وسجلت هنا وكلي امل اني الاقي عندكم شي يفيدني وان شاءالله مايخيب ظني

انا عندي دبلوم حاسب من اكاديمة التعلم الكنديه
والي وسمعت ان جامعة الملك عبدالعزيز وغيرها ممكن تعادل مواد

وانا ماعندي خلفيه ابد ونفسي اسجل فيها انتساب لاني انا من الخبر

او باي جامعه مو مشكله بس تعادلي موادي

واذا كان مافيه امل من معادلة المواد مستعده ابدأ من الصفر بس اخذ بكالوريوس باي جامعه بالخبر انتظام او انتساب في اي منطقه بالمملكه ياليت تسعادوني مو عارفه وش اسوي وكيف اسال
مالي من بعد الله الا انتم في تحقيق حلمي

مع العلم اني متخرجه من الثانوي لي 3 سنين ومابي اضيع عمري زياده من دون فايده


في انتظااااااااركم

معقول مافيه احد يقدر يساعدني يعني ؟؟؟!!!

اختي منااال

كيف حالك

اعتقد انه مافيه معادلة للمواد في جامعة الملك عبدالعزيز

وممكن تنتسبين في الجامعه وتدرسين وتحضري الدورة التاهيلية كل ترم ثلاث اسابيع فقط ( اختياريه )

والانتساب فقط في كلية الاداب ( دراسات اسلامية - عربي - علم اجتماع - انجليزي - علم نفس - تاريخ )

والتسجيل بداية كل عام ، ولايوجد تسجيل للترم الثاني

عادة التسجيل يبدأ اثناء اختبارات نهاية العام ، تابعي النت وموقع الجامعه عمادة القبول والتسجيل وستعرفين متى التسجيل

www.kaau.edu.sa

وفقك الله ، وزي ماقلتي كفاية جلوس في البيت ادرسي والله معك

مشكوره ياام البنات
ببس سؤال اخير لاهنتي
التسجيل في الجامعه انتساب برسوم؟؟؟
لان الي اعرفه ان الكليه لا بس الجامعه سمعت فيه رسوم

والله يخلي لك بناتك ويحفظهم من كل شر