السلام عليكم ورحمة الله وبركاته ......

يا طالبات وطلاب جامعة الامام قسم الحاسب الالي .....

انا مبتدئه بهالقسم يعني توي مستوى اول ....واخذنا التحويلات بالانظمه والمهم انا اعرف احول من نظام عشري وهكسا عشري واوكتال عشري الى باينري ولكن ....

اذا انا ابي احول كميه اساسها 6 الى نظام باينري كم بت وكيف الطريقه ؟؟


ادري بتقولون سؤال بزارين ::(49):: لكن شسوي انا حبيت اسالكم لان مالي الا انتم بعد الله ومنكم استفيد ::(60)::

وياليت اذا فيه مواقع عربيه انتم ترجعونلها للبرمجه وتفيدكم تعطوني اياها ::(48)::

لا حرمكم الله الاجر ::(53)::

وعليكم السلام ورحمة الله وبركاته

هلا فيكِ أختي فراشه فوشيه

ما عندي جواب لسؤالك لأني مو من قسم الحاسب

بس حبيت أسلم عليك وأدعي لك بالتوفيق بما أنك مبتدئه

وإن شاء الله تلقين اللي يفيدك ,,

::

أطيب تحية

منـارة الجامعة

اللهم امين جميع ان شاء الله .........

ومشكوره جزاك الله خير ....ونورتي الموضوع يا سفيرتنا .....والله يوفقك يا عسل ..


يلاااا بليز ابي تفاعل ما بقي شي على التسليم


الله يجزاكم خيــــــــــــــر

السلام عليكم
حياك الله في مجال الحاسب الالي والله يوفقك يارب ياكريم
بس في ملاحظة مافي نظام 6 لان الانظمه كلها مضاعفات الاثنين
1-2-4-8-16-32-......
نظام عد ثنائي(binary)
يتألف هذا النظام من رقمين فقط وهما الصفر والواحد .

حينما نكتب أي عدد في النظام الثنائي يمثل كل رقم بعامل مضروب بالعدد

(2) مرفوع إلى قوة ما .

فمثلا: العدد(19) يكتب في النظام الثنائي(10011).

نظام عد عشري(Decima)
هذا النظام هو المستخدم في حياتنا اليومية ويتألف من عشر أرقام هي(0-1-2-3-4-5-6-7-8-9)

اساس هذا النظام هو r =10

قاعدة: ان عدد أرقام أي نظام هو (0 --------r-1)

فالنظام العشري يتألف (0-------9)

نظام عد ثماني (octal)
يتألف هذا النظام من ثماني أرقام

ان الرابطة بين النظام الثنائي والثماني أن كل عدد من هذا النظام

يمثل بثلاث أرقام ثنائية فمثلا (110 101) في النظام الثنائي يساوي

العدد(56)حيث (101) تمثل(5) و(110) تمثل(6) .

اساس هذا النظام ( r =8 أرقامه 0-----7).

نظام عد سداسي عشر(HEXADECIMAL)
يتألف هذا النظام من ست عشر رقم الأوائل هي(0-----9) والباقي

هي الحرف(A,B,C,D,E,F)

الرابطة بين الثنائي وهذا النظام أن كل رقم من هذا النظام يمثل

بأربع أرقام ثنائية

فمثلا(1010 1110) في الثنائي يساوي العدد(AE) حيث (1010)تمثل(A)

و(1110) تمثل(E).

اساس هذا النظام هو r =16 .


طرق التحويل بين الأنظمة
أولا: من النظام العشري إلى الثنائي
نوضح طريقة التحويل من خلال المثال التالي

مثال: حول العدد العشري(46 )الى النظام الثنائي

الحل 46/2 = 23 0

23/2 = 11 1

11/2 =5 1

5/2=2 1

2/2=1 0

1/2=0 1

ومن ثم نرتبها حسب أهمية الخانات (101110)

ثانيا: من الثنائي إلى العشري
مثال: حول العد الثنائي (101110) إلى عدد في النظام العشري

الحل (101110) = (2^0*0 + 2^1*1 + 2^2*1 + 2^3*1 + 2^4*0 + 2^5*1)

(101110) = 0+1+4+8+0+32

(101110) = 45

ثالثا:من الثماني إلى الثنائي
للتحويل من الثماني إلى الثنائي نعتبر كل رقم ثماني يمكن تمثيله بواسطة ثلاث أرقام ثنائية

مثال: حول العدد الثماني(56)الى النظام الثنائي

الحل

(100 101)=(56)

حيث(101)=5 و(110)=6

رابعا:من العشري إلى الثماني
مثال: حول العدد العشري(46)الى الثماني

8/46 = 5,75 ------- 0,75*8 = 6

5/8 = 0,625 ------- 0,625*8 = 5

اذن العدد العشري (46) يساوي في الثماني(56)

خامسا: من الثماني إلى العشري
للتحويل فاننا نحول الثماني إلى الثنائي والثنائي إلى العشري

مثال: حول العدد الثماني(56)الى النظام العشري

الحل

(101110) = (56) (101110) = 2^0*0+2^1*1+2^2*1+2^3*1+2^4*1+2^5*0

(101110) = 0+2+4+8+0+32

(101110) = 46 اذن الثماني (56) يساوي في العشري (46)


واذا انتي من النوع اللي يبي يسوي شي مش موجود في طريقة تقدرين تحولين من السداسي إلى الباينري عن طريق المرور بالعشري وطريقة التحويل من السدادسي إلى العشري والطريقه طويله لان مافي اي قانون لها زي باقي الانظمه لان النظام غير موجود ناخذ مثال
نبي نحول العدد 30 سداسي إلى عشري
نقول
0-1-2-3-4-5-10-11-12-13-14-15-20-21-22-23-24-25-30سداسي
يقابله في العشري
0-1-2-3-4-5-6-7-8-9-10-11-12-13-14-15-16-17-18-19 عشري
يقابله 19
نحول الحين 19 إلى باينري
10011
اتمنى ان وفيت في الاجابة على هذا الاستفسار واذا في اي سؤال اخر باذن الله سوف نجيب عليه

buster ما قصرت صراحه ....... كفيت ووفيت

يعطيك الف عافيه عالتوضيح ....توحفه

اجل مافيه نظام اساسه 6؟

اصلا كذا لازم الشيتات فيها شي يحوس لكن انا مثلت كل رقم ب3 بت ورفعت 6 اس 0 وبعدين 6 اس 1 وهكذا وجمعت وطلع الجواب بالعشري طبعا

هل هذا صحيح او لا ؟؟مع انها قالت انه صحيح لكن اخاف يكون العكس


وتحياتي واسفين على الاطاله ...:$
شـكــ وبارك الله فيك ـــرا ...

الله يعافيك يارب

اي مافي اصلا نظام سداسي

اذا انتي بتحولينه من سداسي إلى عشري بيطلع لك صحيح حتى لو نظام رباعي ثلاثي اي شي بتسوينه (س) اساس وترفعينه للاس0 و1 و2 و3 راح يطلع مجموعه عدد عشري لكن اذا تبين تحولينه العكس بالقسمة

أمثاله

(56) ثماني
(6* 8 اس 0 )+(5*8اس1)=6+40=46 عشري

(46) عشري
46 تقسيم 8 = 5 والباقي 6
5 تقسيم 8 = 0 والباقي 5
الجواب (56 ) ثماني

نمثل الحين بسداسي
(34) سداسي
(4*6 اس 0 )+(3*6 اس 1)= 4+18=22

(22) عشري

22تقسيم 6 = 3 والباقي 4
3تقسيم 6 = 0 والباقي 3
الجواب (34 ) سداسي

يعني الطريقه صحيحه

كلامها صحيح وبنفس الطريقه اللي قلتها لك لكن استخدامك انتي 3 بت في النظام السداسي شبه خطا لان 111=7 واحنا عندنا السداسي 0و1و2و3و4و5 بس لا توجد لا 6 ولا 7
يعني الباينري اللي عندك فقط هو 000-001-010-011-100-101 فقط

اتمنى الفكره وصلت
اي استفسار انا موجود وحاضر

طيب يعني ما يجي بهالنظام لو ابي احوله لباينري اني امثل كل رقم ب3 بت ؟

يعني لوكان (34) ما يكون تمثيلها كذا

4= 001
3= 110 ؟؟


طيب على اي اساس يكون احتمالات الباينري فقط الي انت حاطها ؟؟

يعني المساله مسائلة تقدير؟؟

او كيف ؟؟

تحياتي ,,,


؟؟؟؟؟؟

مب مسائل تقدير هذا نظام عالمي ومتفقين عليه

الحل الوحيد اللي انتي تسوينه انك انك تحولين من سداسي إلى عشري ومن ثم إلى باينري هذي اسهل طريقة لك

اذا انتي حجزتي 3 بت يعني لازم تستخدمينهم في النظام وانا مثلتك في المثال السابق كيف ان 6 و 7 غير موجودين في النظام يعني في عندك اكثر من بت غير مستخدم وهذا يتخلف مع النظام العالمي اللي هم متفقين معه

34 سداسي تحولينهم إلى عشري وراح يساوي 22
نحول 22 إلى باينري = 10110= 0+2+4+0+16=22

وضحت الفكرة؟

يس سير !!! تمام هذي وضحت 100%....

طيب انا عندي استفسار ثاني بالتحويلات بس والله اني مستحيه من كثر اسئلتي ..!!!


اذا ممكن يعني تجاوب عليه لا هنت ,

وهو كالتالي :

لو مثلا انا عندي رقم ممثل بطريقة (sign&magnatude) وابي احوله الى (unsign number) مثلا +112
فيه طرقه محدده مثلا او لا ؟؟

كذلك من (one‘s compelment) الى (unsign) و من (tow‘s compelment) ايضا الى (unsign)؟؟

واكون ممنونه لافضالك اذا تكرمت بالشرح ...!!!

شـكــ وبارك الله فيك ـــرا ...

لا عادي مب عيب السؤال بالعكس العيب انك تكون جاهل
واي سؤال في بالك اسئليه وبالعكس منها انتي وغيرك يستفيد وانا استرجع ذاكرتي اشوي هههههههههه << ويمكن تعتبر هذي دروس خصوصيه وتحاسبينا اخر الشهر خخخخخخخخخخخخخخخخخخخخ

_______________________

نبدا بسم الله

اول حاجه نعرف ان عندنا واحد بايت ونعرف ان الواحد بايت = 8 بت

يعني عندنا من 00000000 - 11111111

sign&magnatude يجب ان تعرفين ان البت الاخير يعبر عن الاشاره اذا كان صفر يعني موجب واذا كان واحد يعني الاشاره سالبه
يعني يبقى عندنا 7 بت يعني عندنا من 0 حتى 127
البايت الاخير هو يحدد الاشاره يعني
11111111=127-
01111111= 127

اما بخصوص Unsigned يعني عرفيها ان مالنا دخل في الاشارة يعني 8 بت كلها نعوضها في الارقام يعني عندنا من 0 حتى 255
11111111=255
01111111=127

عرفتي الحين الفرق بينهم Unsigned جميع 8 بت للارقام اما sign&magnatude فان البت الاخير يعبر عن الاشارة والسابقة الباقيه تعبر عن الارقام

ناخذ الرقم 112 الارقام الموجبه ماتختلف
Unsigned=01110000
sign&magnatude =01110000

لكن لو اخذنا 112-
Unsigned=01110000
sign&magnatude =11110000

ناخذ مثال بالعكس وباذن الله راح يوضح لك الفكره 10000101
Unsigned=133
sign&magnatude =5-

واي سؤال في بالك انا حاضر واسف تاخرت في الاجابه بسبب انقطاع النت لمدة يومين

جزاك الله خير ....عالتوضيح

لكن انا بسال لان عندي سؤال في الكتاب حاط جدول مقسم الى خانات

الاولى contents of memory
الثانيه:Unsigned

الثالثه :sign&magnatude

الرابعه:one‘s compelment

الخامسه:tow‘s compelment

باول مره كان معطى بالخانه الاولى 10011001 وانا عبيت الخانات الي بقت

طيب السؤال ؟؟ لو هو اعطاني الخانه الثالثه فيها قيمه +112 وطلب مني انا اعبي الباقي من الخانات ..؟؟

سؤالي هو كيف احول من هذي الخانه الى الخانه الاولى مع العلم انه الاولى تطلب المحتوى مكون من اصفار وواحدات ؟؟؟
فهمت قصدي ؟؟؟

يعني ابي احول من الخانه الثالثه الى الاولى اي بدون اشاره لان الخانه الاولى بمجرد التحويل تعطي الثانيه لكن هنا اصعب شوي يتطلب اني احول العدد الى عدد من غير اشاره ..

انا عارفه اني حست ويمكن تكون ما فهمت !! بس اذا ما فهمت خبرني احاول اشرح بزياااااااده

شـكــ وبارك الله فيك ـــرا ...

تحياتي ....

http://www.fatayat.net/ccsi/up/homework/39_28_9_2007_22_30_18.doc

هذا رابط فيه السؤال بالصيغه ....وهو السؤال الاول بالتوضيح الممل ...

السلام عليكم

الحين وضحت الفكره انا الحين حليته لك كامل في المرفقات السؤال الاول

واذا ماوضحت الفكره انا راح انزل شرح بخصوص الون والتو بفكره بسيطه بعدها تعرفين تحولين على وطووووول

ملاحظه :- Unsignedوone‘s compelment وtow‘s compelment نفس الناتج من 0 حتى +127 يعني من 00000000 حتى 01111111


الاختلاف اذا وصلنا من 10000000 حتى 11111111
يعني من 128حتى 255

هنا يختلفون نبدا بـUnsigned
هنا يستمر حتى يوصل اخر شي 255 يعني نحسبهم كانهم عادي كانهم عدد عشري يعني 10000000 = 128 , 10000010=130 حتى 11111111=255 حلو ؟!
------------
نجي الحين one‘s compelment
نفس ماقلنا من 0 حتى 127 مايتغير لان البت الثامن 0 اذا تغير البت الثامن صار العدد سالب فانا عندي طريقه بوضحها لك بمثال
11101110=-17
بتقولين كيف ؟
لاتحسبين 1 حسبي بس 0 والبت الاخير يعني اشاره سالبه
11111111=-0
10000000=-127
يعني في one‘s compelment اذا وصلنا فوق 127 نحسب الاصفار والبت الثامن نحسبه انه سالب

وضحت الفكره؟!

--------------
نجي الحين tow‘s compelment

انا عندي طريقه ايضا من اختراعي والاجابات حقتها صحيحه 100%

ناخذ مثال 11001100= 0+0+4+8+0+0+64+128 = 204
نقول 204-256=-52

يعني tow‘s compelment = -52

وأظن حتى هذي الحين واضحه؟؟!!

طبعا هذي الطرق اسميها انا عند الشباب الطرق البوستريه

جربيها وراح تشوفين انها اسهل من الطرق الثانية واسف على التاخير

ماشاء الله دروس خصوصية


سلمت اخونا الفاضل باستر

وتمنياتي لك بالتوفيق بدراستك


وللاخت فراشة يالله بعد كم شهر نريد منك دروس وتنافسين باستر


موفقين جميعا

جزاك الله الف خير

ابشرك فرح كل سؤال بعشره ريال هههههههههههههههههه

يعطيك الف عافيه لا بعد شهر ولا سنه << لا يوجد له منافس

<< واثق الخطى يمشي ملكا ههههههههههههههههه

مساء الخير وكل عام وانتم بخير...اولا

هذا الانقطاع بسبب العيد واجازته وخلنا ننسى الزيرو والون شوي

ثانيا : جزيت خيرا على الشرح والحل وانا قارنت الحل الي انت حاطه مع حلي وطلع متشابه تقريبا >> الخوف اذا هو من جنبه

وطبعا هذا بفضل من الله ثم بفضل شرحك اخوي باستر

وانت طبعا ما قصرت كفيت ووفيت ما شاء الله ..... لكن هذا لا يمنع اني اعود باسئله في هذا الموضوع لذا اتمنى اني اكون ما اثقلت عليك لاني بصراحه مدري وين اودي وجهي ...

جزاك الله الجنه ...

تحياتي,,,

وانتي بخير وصحه وسلامه

لا مانع من اي سؤال اخر ولو كانو عشرون بالعكس مب عيب الواحد يتعلم

وحياك الله

بس استفسار منو اللي من جنبه حلي او حلك ههههههههههه

واي حاجه في الحاسب باذن الله راح نخدمك فيها

واخص بالشكر الاخت فرح بحيث هي اللي قالت لي عن استفسارك

اذا في اي استفسار في قاعة الاتصالات او قاعة كلية الحاسب علشان تعم الفائده وتحصلين اكثر من اجابه لانه تخصص الجميع هناك

يعطيك الف عافيه يارب

مشكور أخوي باستر على مساعدتك للأخت فراشة فوشية

ما قصرت ,, كفيت ووفيت ..

الله يعطيك ألف عافية ..

ههههههههههههههههههههههه لا لا

انا اقصد حلي اكيد ....


الله يعافيك يا رب..
اوكيه اجل بقاعات الاتصالات وكلية الحاسب باذن الله ....

ومشكوره اخت فرح وجزاك الله الف خير

ومرة اخرى شكرا اخ باستر
شـكــ وبارك الله فيك ـــرا ...

هههههههههههههههه هههههههههههههههه هههههههههههههههه

شكلك يا منارة الجامعه متابعه جيده اول باول ....

احس انك بردك تبين تنهين الموضوع لانك مليتي الظاهر>> امزح

بس مشكوره على المرور بس عسى استفدتي ان شاء الله

ههههههههههههههههههههه

يا دووبا لا بالعكس أبي لك الفايدة

يلله عندك سؤال أسألي ترا باستر في الخدمة

<< خير إن شاء الله

::

تمنياتي لك بالتوفيق

مساء الخير كيفكم

انا عضوه جديده و اعتذر لرفع الموضوع لأنه قديم لكن بصراحه مفيد جدا

الحقيقه انا معلمه مبتدأه ادرس رياضيات حاسب وعندي سؤال صغير هنا

ان الرابطة بين النظام الثنائي والثماني أن كل عدد من هذا النظام

يمثل بثلاث أرقام ثنائية فمثلا (110 101) في النظام الثنائي يساوي

العدد(56)حيث (101) تمثل(5) و(110) تمثل(6) .

على اي اساس صارت 101 تمثل 5 و 110 تمثل 6

يعني هذي الأرقام ثابته يعني اقول للبنات يحفظوها او كيف

ياريت احد يرد علي بسرعه بليز وبكون شاكره لكم كثير

اهلين اخت اشجان ......

لا هذي مو حفظ هذي باقي قسمة العدد على اثنين يعني 5\2 =2 والباقي 1 وهكذا يعني هي بواقي القسمه

مثل التحليل العمودي اذا كان تذكرينه وتاخذين الباقي في كل مره منه ينتج الباينري



اتمنى انك فهمتي

اي سؤال ترا بالخدمه ...::(56)::

اهاا يعني قسمنا قسمه متتاليه و اخذنا البواقي

يعطيك العافيه فوشيه ماقصرتي .. هو في الكتاب اللي معاي ما وضح بس حاط كل الأعداد في جدول

عقدوني البنات يحوسون في التحويل اللي يقسم يحطوه ضرب والعكس مو عارفه كيف افهمهم

حسيت اني فاشله في التدريس وإلا انا وين والرياضيات وين.


يسلمو اختي فوشيه على المعلومات ::(54)::

العفو ما سوينا شي ...::(49)::

واي سؤال ترا حنا بالخدمه بالي نقدر عليه ..

تحياتي ,,

ما قصرت فراشة فوشية


الله يوفقكم يارب

ترى نص كلامكم طلاسم :)


ونتمنى ان نرى تواجدك معنا بشكل اكبر يا احلى فراشة