السلام عليكم ورحمة الله وبركاته..
بما أننا في هذا المنتدى تقريبا كلنا جامعيين ...فمن الطبيعي أن تبادر في أذهاننا يوما من الأيام عن إنجاز نسعى إليه بعد الإنتهاء من الدراسة الجامعية ...فكثير منا يعرف أن فرصة العمل لاتتوفر في وقت قصير أو بسهولة...فما هي المشاريع التي وضعناها أمامنا وخططنا لتحقيقها إلى أن نرزق من الله بعمل ...أوحتى ربما يكون الواحد منا يفكر في مشروع بجانب وظيفته الأساسية ...أعزائي للنهوض بالمجتمع إلى الأعلى _ لنفيد بعضنا _ لنتعاون ربما هناك مشروع يدل أحدنا الآخر عليه فينفذه وينج ويكسب من الدعاء الكثير...مجرد أفكار وتخطيطات ضعوها هنا ...صدقوني سننجز الكثير.....

أهلا
بصراحة أنا من المشاريع اللي فكرت فيها بعد التخرج كانت للشباب ...
عارفين السيارات البيضة اللي تدور في المنتزهات وعلى البحر وتبيع آيس كريم أو تكون عبارة عن بقالة صغيرة ...أنا فكرت لو إن مجموعة شباب يكونوا رأس مال ويشتروا مثلها ويبيعوا فيها حاجة مميزة غير الأيس كريم أو بقالة صغيرة ...مثلا يحاولوا يعملوا عصيرات مميزة لذيذة ..كوكتيل ...ويسيروا فيها في اماكن متعددة مش مكان واحد بس ...اللين تقريبا أغلب أهل البلد يعرفوهم وياريت يلبسوا ثياب وأشمغة بتكون لفته وحركة جديدة من شباب سعودي...المهم وحده وحده وإن فكرتوا يوم تعملوا محل ...بتكونوا يومها في غنى عن التعريف...عندي مشاريع أخرى بس اتفاعلوا....

السلام عليكم ...بعد التحية ..اهنئك على الموضوع ..


وبصراحة انا دايمة التفكير في الامور هذى اللي تخدم وتشغل الوقت غير العمل الرسمي .. البعض اصلا ماعندهم العمل الرسمي ممكن تكون هذى الاعمال هي راس مالهم والبعض بجانب عملة تجدة يقضي فراغة في مثل هذة الاعمال


بصراحة يوجد مشاريع كثييييييرة وبسيطة اذكر منها :

اذا كنتي فتاة ممكن تكسبي من اعمال يدوية بسيطة اولا استغلال وقتك فيما ينفعك وكمان مكسب لك مثل مثلا عمل السلاسل والاساور من اللولو او من الخرز او الصوف او ممكن من الجلود يعني تحاولى تبدعي في شغلة من يدك وبعد كذا ممكن تبيعينها على صديقاتك او جيرانك او ممكن تتعاملى مع بائع يبيعها لكي في محل اكسسوارات ويكون لة نصيب من المبلغ يعني حاجات زي كذا او ممكن انتى او ترسلي احد يبيعها في اماكن عامة واذا ربنا فتحها عليك تفتحي محل صغير ويكون اغلبة من عمل يدك وممكن تعلمي احد يساعدك في البيت صدقوني مافي احلى من عمل اليد ....

غير كذا حاجة بصراحة نفسي اسويها بس اللي عندي مو راضييييين .......
بحكم تفرغي في البيت فكرت بعمل يناسبني وممكن اسوية سهل وبسيط لوجود الخبرة لدي اني اعمل بحوث للطالبات الجامعة وتحاضير جاهزة للمعلمات ويكون بنشر رقمي في وسيط او اي وسيلة اخرى وهذا الشيء سهل جداا بس يبغالة اتقان ومعرفة بالبرامج والبحث في الانترنت واهتمام بالمواعيد وانا الحمد للة والشكر مااهتم ابدا بالمواعيد لذلك وجدت الشغلة هذى تربطني وتشغلني فعدلت عنها


ويوجد شغلااااااااااااااااات كثيرة في راسي اذا تذكرتها لي رجعة

وان شاء الله احد يستفيد منى .. وتعالو اعطونا خبراتكم ومشاااااااااااريعكم

الف شكر امجاد على الموضوع وفكرتك حقت الايس مرررررررة حلوة وفيها دخل طيب
الف شكر مرررررررة اخرى .......

الله يسعدك أختي thesmart77
أفكار جميلة وناجحة ورائعه ....فكرت الأساور بالخرزات جدا جميلة ..أنا فكرت إني ادخل المنتديات النسائية طبعا فيها خلطات كثير للشعر وللو جه وأعملها ..وأبيعها للنساء ...وأكتب عليها (يتم استقبال الطلبات يوم الأحد والخميس من الساعة كذا للساعة كذا )كمان عشان لايصير البيت مفتوح طول اليوم ....وعلى فكرة أختي ترى سمعت إن عمل البحوث محرم سواء تعمليه للناس أو إنتي تشتري بحث جاهز وتقدميه كواجب ....وأفضل أتأكدي من المشائخ...مممممم أنا كمان لي رجعه ومشاريع..

ويسعدك ياقلبي

شكلنا افكارنا عند بعض

وبالنسبة للخلطات مرة حلو بس احس يبغالة طلبات

وبالنسبة للبحوث انا جاتني الفكرة بس ماراح اعملها الا اذا مرة مثلا احتجت في يوم لا قدر الله او كنت مرررةر فاضية وابغى اشغل نفسي بس طبعا بعد مااتاكد من حكمها وهذا اهم شيء ..

وبالنسبة للمشاريع عندي كثيرة ان شاء الله احاول اذا افتكرت شيء اجمع واكتبة هنا .. اشوفك على خير .. ويالله هاتي تفكييير

عارفة thesmart77
الفكرة أعلاه إللي طرحتها للشباب ..ممكن إحنا البنات نسويها ...حتقولي كيف؟
طبعا بذات علينا الشغلة بتكون بيغالها مجهود أكبر ...يعني نقدر نكلف أحد العمالة مثلا خلي أخوك أو أبوك يسأل راعي البقالة اللي جنبكم عنده أخ يديرلك العربية ...بس اني اللي تسوي العصيرات تجنبا للمشاكل...هيه شويه صعب علينا ممكن نتلقى صدمة يكون الشخص ماهو أمين ويهرب بالجمل بما حمل ...بس كمان لانحبط فإحتمال الفكرة تنجح بالنسبالنا ...وبالنسبة للخلطات تصدقي إنها ماتكلف ولو مرة كلفتك لمئة شخص خلطات (خمسين ريال) لأني أنا هذي الإجازة اللي فاتت كنت أعمل لنفسي خلطات ومن اللبن بس تعملي خلطات كثير ....وشو عند كمان؟