السلام عليكم ورحمة الله وبركاته

صباح الورد


الان الحمد الله انقبلنا انتساب ...

وش بنقعد نسوي بالبيت ...

ياليت تقترحوا علينا وممكن ندرس لجل نستفيد ....؟؟؟؟

غير الحاسب لان الحاسب اخذناه هواية ....

اشكركم مقدماً

اولا اهلا وسهلا فيك بالمنتدى ..


والحمد للة قبولك بالانتساب والف مبروك

وبالنسبة للجلسة بالبيت مملة اذا ماجلستي واستغليتي اوقات فراغك باللى ينفعك ..

يعني لا تجلسي فاضية ..

حاولى الاطلاع على الكتب والمذكرات اللي راح تدرسينها بالانتساب واجعلى كل يوم مقدار للمذاكرة اوالاطلاع عليها بالقراءة الجيدة للدروس يعني مثلا كل يوم اجلسي اقرائي جزئية معينة حتى لمن يجي وقت الاختبار تكوني عندك خلفية قبل المذاكرة هذا اولا ..


ثانيا :: ممكن تستغلي وقتك بالعمل بالمنزل او الطبخ او الحياكة ومالى ذلك من الاعمال المنزلية ... الخ

ثالثا :: ممكن احنا الان في شهر الصيام استغلي وقتك بقراءة القران وصلاة التراويح والاستغفار وعمل الخير ويااااكثر ..

رابعا :: استغلى وقتك بالقراءة النافعة او زيارة الاقارب او تنمية مهارة معينة ان كنت من هواة الرسم مثلا او من هواة الكمبيوتر والعمل على البرامج المختلفة وهكذا ..


انا اذكر قبل فترة ليست قصيرة كنت استغل وقت فراغي بالبرامج المنتوعة في الكمبيوتر مثل الفجوال بيسك دوت نت والباور بوبنت والفرونت بيج كانت هذى احلى البرامج عندى ودايما استغل وقت فراغى فيها وماشاء الله علية اللهم لا حسد صرت مبدعة فيهم الحمد لله ...


فحاولى تخصيص شيء معين وتحسي فية ان مهاراتك تطلع فية وابدعي فية .. وحاولى عدم تضيع الوقت لاننا محاسبون علية وصح قول الشاعر عندما قال :

والوقت انفس ماعنيت بحفظة ........... واراة اسهل ماعليك يضيع

تحياتي لك ياحبيبتى وان شاء الله افدتك ياغلاتي ..

السلام عليكم ورحمة الله وبركاته
تسلمين يالغلاتي


الله يجزاك خير

الي الان ماعرف من وين اجيب الكتب

وكيف المنهج ...اوكيف اذاكرة وش الجزئيات ....

يعني ولا شي....

الحمد الله

هلا وعليكم السلاااام..

راح تعرفي ان شاء الله كل شيء حاولى تتعرفي على بنات انتضام نفس تخصصك ان شاء الله يساعدوك وخليك هنا في المنتدى دايم في بنات الله يجزاهم خير يساعدوك

بالنسبة للضياع والحوسة صدقيني لازم اول سنة تحسي نفسك ضايعة وماتعرفي شيء بس صدقيني بعدين تترتب امورك ان شاء الله .. كلنا كنا ضايعين في البداية واللحين الحمد لله صرنا فاهمين

عادي جدا وتوكلى على الله وشدي حيلك بالدراسة وسلامي لك وتحياتي

ولاتنسيني من دعائك

بارك الله فيك


الله يغفر لك ويغفر لوالديكم


ويسكنكم الجنان ...

ولكم الدعوات المباركة في هذا الشهر المبارك اسال الله ان يتقبلها ...

ولكي بالمثل ياعزيزتي ..