السلا عليكم ورحمة الله وبركاته
ومساءكم انوووووووووووار وسعاده يارب
انا ضيفه جديده بالمنتدى واتشرف بانضمامي لكم
اتشرفت السنه هذي بأن أكون احدى الضيوف المدعوات في لقاء الحوار الوطني بعنوان مجالات العمل والتوظيف طبعاً عنوان جميل ومستهدف ويهمنا جميعاً فانا في خدمتكم يعني اللي عنده مشاكل وهموم عن التوظيف او البطاله اوعمل المرأه وأيضاً عن العمل بالقطاع الخاص يتفضل وانا اعده بأن اصوغها في اسلوب جميل والقي بها في أذان المسؤولين فهذا حوار وطني ومن حقنا جميعاً ان نبدي بأرائنا
كذلك لا تحرمونا من مقترحاتكم فأنتم الفئه المستهدفه من ذلك
أسأل الله لنا ولكم التوفيق

شكرا اختي شموخ على هذه المبادره الرائعه منكم

طيب هل لنا بعد انتهاء الملتقى ان نعرف ماذا دار به وماهي المشاكل اللي استعرضتوها وماذا طلعتم بنتيجه لحلها او التقليل منها , وماهي محاور الملتقى بشكل عام ومن هم ضيوف الشرف ؟

معليه بثقل عليك , بس هذا اذا قدرتي ان تكوني عيننا في الملتقى واذا ماقدرتي مو شرط اهم شيء النيه وصلت

وانشالله يتفاعلون معك الاعضاء في طرح مشاكلهم

انا عن نفسي ماعندي مشكله غويصه , لكن كل مشكلتي في التوظيف ان اغلب الوظائف خاصه وحكومية تتطلب جيادة اللغه الانجليزيه تحدث وكتابه

مو مشكله ادرس اللغه الانجليزيه لكن ريتهم انتبهو لهذي النقطه من واحنا لسه طلاب وهيئونا اكثر لسوق العمل مويوم شاب ودوه الكتاب راحت سنوات عمرنا واحنا ندرس

هذي النقطه اللي اتمنى تناقشينها وبكل حراره في الملتقى , ولازم يجدون حل للطلاب اللي تخرجو ولا امدى ياخذون نصابهم وكفايتهم من حيث تعليم اللغه ايام المدرسه

وشكرا

نسيت شيء مهم

حجرة العثرة التي يضعونها امام كل متخرج حديث التخرج وهي " الخبره "

من اين لنا خبره ونحن لم يسبق لنا العمل ؟
وان اردنا العمل ونحن طلاب لانجد من يراعي ظروفنا التعليمية ويشغلنا بقدر طاقتنا
وان راعى ظروفنا وأُعطينا إفاده أو شهادة خبره فهي قليله مقارنة بما يتطلبة سوق العمل احيانا من خبرة لا تقل عن سنتين او 3 او 5!!!!

اشكر مرورك اختي الحلم العيوف
وصراحه كلامك منطقي وان شاء الله اناقشه بالملتقى
وبالنسبه لمحاور اللقاء ستشتمل في اليوم الأول على طرح عدد من الموضوعات من أهمها الأنظمة والتشريعات المتصلة بمجالات العمل والتوظيف ,وطرح موضوع مجالات عمل المرأة (الواقع وسبل التطوير) وطرح موضوع ثقافة العمل وأثرها على توطين الوظائف ,والقطاع الخاص ودوره في توفير مجالات العمل والتوظيف ,والبطالة وآثارها الاقتصادية والاجتماعية والأمنية على المجتمع.
وفي اليوم الثاني يتم طرح مخرجات التعليم والتدريب ,ومتطلبات سوق العمل ,والأمن الوظيفي بين القطاعين العام والخاص, والعمالة الوافدة وأثرها على توطين العمل والتوزيع الجغرافي لمؤسسات العمل.
والملتقى سيقام يومي الثلاثاء والأربعاء من الأسبوع القادم بمشيئة الله في مدينة أبها وينقل على الهواء مباشر وسؤافيكم بالنتائج بعد الملتقى إن شاء الله

بالنسبة لعمل المرأه وسبل التطوير

ليش صعب على بلادنا في كلا القطاعين توفر لها اماكن خااااااااااااصه للعمل بها وبمعزل تاااااااااااام عن الرجال

ولكن سهل عند الهند واندونيسيا توفر اماكن لعمل المرأه بمعزل عن الرجال رغم شح الموارد عندهم وقلة الامكانيات وتوفرها لدينا !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!

السلام عليكم ورحمه الله وبركاته

غالبيه بنات الشعب السعودي يدرسون مدارس حكوميه والمدارس الحكوميه ما تدرس اللغه الانجليزيه الا بأولى متوسط ولا تدرس الحاسب الالي بمدارسها فكيف احنا راح نصير ماهرين بشي احنا ما درسناه ثانينا مافي توضيف بالصيف للبنات مثل الشباب واحنا طالبات الله العالم كيف نتحسر عشان نجمع اقصاد الجامعه ومصاريف السكن والطياره والخ...
والجامعه لا ترحم المنتسبين ولا ضروفهم ايش نعمل ظايف اشتغلت مرتين بقطاع خاص وكلها الدوام 9ويصل الى 12 ساعه والراتب 1800او2000ان زاد وشغل مرهق جدا مساعده طبيب اسنان نستقبل في اليوم 1000مريض وانا الممرضه الوحيده في المركز اتنطط من عياده لعياده لما قلت ابغى راحه لو بين كل مريض 10 دقائق عشان الصلاه قوم الدنيا وقعدها وللعلم اخر وحده تطلع من المركز انا لانه لازم اعقم كل شي قبل اطلع يعني ارجع البيت ساعات 12 ونص و1باليل ولما طلبت اجازه اضطراريه قال لا
قلت ابغ زياده بالراتب قال لا قال اصلا احنا مستغنين عن خدماتك ولما طلبت شهاده خبره رفضو يعطوني وقالو جيبي شهاده تمريض ونعطيك خبره مع اني انا كنت ابغى اشتغل بالاستقبال بس رفضو لقمه عيشي شأسوي
اشتغلت بشركه بائعه تجزئه لشركه اتصالات دوام طويل اهانات على الداخل والطالع واخراتها في يوم وليله صرفو الرواتب قالو مع السلامه وكانوراح يوقعوننا على ورقه تنازل عن مستحقتنا الي تبلغ 8000ريال للوحده فينا ليه لاننا بنات تقدمت بطلب وظيفي بشركه اخرى تدربت تدريب مدفوع الراتب كدوام بس ما باشرت الدوام افتتحت المحل وتعبت تعب الله العالم فيه واخراتها تجي مديره المحل اجنبيه حاطينها فوقنا واحنا عندنا خبره اكبر منها تقول امسحي الارض انا شغلتي خدمه عملا مو خدامه اشتكيت للمدير قال امسحي الارض ليش لا قدمت استقالتي طالبت برواتبي قال مالك شي عدنا والبدله الي عليك ياريت تروحين دوره المياه وتخلعينها وتجبيناه فورا يعني قصده اطلعي من دون ثياب حقاره مثل كذا واذلال عمري ما شفته بحياتي ولا مره قدمت اوراقي لمركز طبي كبير اتصلو فينا رحت مع اختي قالو موضفه استقبال المدير كبر جدي يقولي اكشفي ليه انتي جايه عزاء سكت استمر وتمادى ليه لانهم يفكرون الي تدور على شغل تبيع شرفها وللأسف ارجوكي انصفي البنات المحتاجات ووالله لوما حدتني الضروف كان ما فكرت اشتغل بس الضروف تحكم الانسان وجزاك الله خيرا ....

من الأشياء المهمة
ان كثير من الطلاب يدرسون وعلى حسابهم
في معاهد خاصة مرخصة من قبل الجهات الحكومية
المعنية لكن إذا تخرجوا وقدموا على وظائف أو
جامعات لإكمال الدراسة قالوا لهم إن شهاداتكم غير
معتمدة وإحنا إعتمدنا مزاولة النشاط فقط ولم نعتمد
الشهادة وبالتالي ضياع العمر والمال .
حقيقة يعاني منها الكثير من الشباب
شد الله على سواعدكم لخدمة الوطن

موفقة اختي شمووخ

واطلعينا على المستجدات لديكم



نريد ان نستفيد من الحوار الذي اخشي ان يكون فقط لا استنزاف الطاقات وتثبيط الهمم


والله المستعان

السلام عليكم...

أرجوا أن نخرج بفائدة من هذا الحوار الوطـــــــــني..


وأخشى من اضاعة الوقت والجهد بدون فائدة !!!!!!!!!!

لأن تعبي وسهري طوال الايام والسنين لـــــــــــــــــــــم أجد منه أي فائدة ..
تخرجت وانا فرحاانة بتخرجي ومعدلي:ممتـــاز
(((((ولم يلبث هذا الفرح الا ان تحول الى حــــــــــــــــــزن)))) !!!!
عندما واجهت المجال الوظيفي...

أرجوا التطرق الى موضوعي..

مع جزيل الشكر....