اولن السلام عليكم كلياتكون فردن ينطح فردن
حبيت استفستر عن التحويل بكلية الادااب !!
وش شروطه ؟؟
يقولون ان شروط التحويل من قسم لـ قسم بنفس الكليه بيصير بالشروط الجديده بمعدل!!
هل هذا صح ام خرطي ؟؟
مع العلم اني ادوشت هالي يقالها نوف الجمعان حقت التحويل مدري الوكيله المهم هي المسؤله عن هالاشياء
وتقول فيه شروط جديده بس مابعد نزلناا خبـــر ؟؟
هل هي ماعندها سالفه والا وش الهرجه ؟؟

لاني سلّمكم اللله انتظمت برمضاان وبعد العيد بااسبوعين وبعدها انثبرت لكم بالبيت
بيكوز اني مليت من قسمي الي داخلتن بوه غصب<< من مادخل غصب انتي وخشتس خخخخخخخ
المهم بالله عليكم وطلبتكم وياجعلكم العافيه افيدوني للي عنده خبر !!


انا ابي احوّل من قسمي هالمخيس جغرافياا الى دراسات اجتماعيه
لازم معدل والا وشلون :(؟؟
تكفون قولوا بدون معدل :(:(

مافي اي نفر عنده خلفيه بهالموضوع !!!

لازم معدل اختي
والله اعلم
ولاتتركين الجامعه حتى لو ماعجبك القسم
صدقيني انت بتندمين بعدين
روحي وربي يحلها الف حلال

لاعاد
وش معدله تكف قول امزح معتس < يعرفتس هو
طيب انتو يالعيال نزل عندكم بكلية الاداب معدّل !!
اختي قبل سنه كانت ادب عنقليزي وحولت لدراسات اجتماعيه بدون معدل !!
يعني هالسنه غيروا الشروط والا وش السالفه :|
والا يعني هذا توقعّك !
لاني صراحتن صراحتن ابنهاار الا شوي :(