بسم الله الرحمن الرحيم

الى جميع اعضاء منتدى الجامعات السلام عليكم ورحمة الله وبركاته

من اهم الاسباب اللي خلتني السجل في المنتدى هي مشكلتنا اللي اتمنى انها تكون في العتبار وانا كلي امل اني اللقي الحل والمساعده من كل شخص يقدر المساعد هاو له يد واكيد اتمنى اشوف ارائكم في الموضوع بامانه...
اكتب موضوعي وانا كلي ثقه في الله ثم فيكم انكم تحلو المشكله في السرع وقت...
انا طالبه في كليه اعداد المعلمات ببلجرشي السنها اللي فاتت ماكان عندنا عميده لفتره وبس كان فيه الوكيله كانت زي العسل واذا احد كلمها تكلمت معاه وتتفهم مشكلنا او أي موضوع نتكلم لها فيه وتاخذ وتعطي معنا وبس وصل قرار انها تصير عميده قلبت 180درجه ما تكلم احد واذا احد كلمها ما تعطيه وجه ولا ترد على احد لو كلمها وما نسمع صوتها الا اذا كان فيه مشكله هزئت عليها وماتسمع شي لدرجه انها احيانا مالها الا ظاهر المشكله بس ماتعرف اسبابها ولا اطرافها لان كل الموجود الطرفها _مع احترامي الشديد لجميع اخوننا المصريين _هي مصريه _واكيد مو كل اصابعك سوى يعني انا ما اقصدهم في شي بس مشكله ولازم تنحل_ الكليه هذي ماصارت اعداد معلمات صارت جامعة الباحه في طالبه المفروض تكون 3كليه بس مانجحت وسوى لها معادله في المواد اللي تدرسها الجديده من اول طلعت نتايج المعادلات في رمضان اخر يومين في الدوام مااخذتها لظروف والحين مر اسبوع من الدوام وهي تطالب نتيجتها عشان تعرف المواد اللي عندها تدخل محاضرتها وامتحناتها طبعا المشرفات مايتفاهموا مع احد واذا كلمنا احد والا سئلنا انطردنا دورت رئيسة القسم وما لقيتها راحت تكلم العميده حتى ماتطالع فيها ولا ترد لو كلمت الكرسي كان حزن عليها ورد بس العميده ماكانه احد واقف قدامها وكانت الوكيله موجوده رجعت قامت للبنت وفهمت السالفه وقالت روحي رئيسه القسم المختفيه _رئيسة القسم والوكيله كلهم مصريات_ دورت وراهم لين يوم الثلاثاء كانت في غرفت الدكتورات تراجع عشان السبت امتحنات دخلت رئيسه القسم وشافتهم وطردتهم قالوا لها النتيجه والامتحنات قاطعتهم تصرخ فيهم اطلعو مافي امتحانات مافي نتيجه اطلعوا واول كل ماراحت قالوا بعد شويه بكره لين طردوها وهي من رمضان عندهم والاربعاء راحت رئيسة القسم عند صحبتها قالت لها ادخلو الامتحنات لأي مواد...؟؟
طبعا بما انا في فترة امتحانات شهريه الحين وجو الامتحانات وتوتر والقلق والخوف نداوم الامتحان 7.5ندخل القاعه واكيد الجو لا يخلو من الخوف والتوتر الطبيعي مع الامتحانات نجلس تجي رئيسه القسم تصرخ على البنات لاي سبب برغم انه مو وقته على بلوزه وحده من البنات والا كرسي مو مزبوط اخر القاعه طبعا يتاخر توزيع الاسئله حتى وحده تقوم تسوي كرسي اخر القاعه مااحد جالس عليه عشان مايتكلم ويقول اجابه لبنت والا ورقه طاحت من بنت في وقت توزيع ورق الاجابه وعلى بال ماتنقال الاسئله ونكتب يمر فترة من الوقت وكله ساعه الوقت وبعد هذا يقولو جابوا صح وانتم مهملين وهذا جو القاعه صراخ وتهزء مين وقتها يبقى في راسه كلمتين يكتبها والله لطير من الاجوى المهيئه لنا وبعدها يجلسو يحسبوا لنا الباقي من الوقت بامانه ايش الوقت اللي بيبقى نكتب ونفكر اذا باقي عندنا عقول نفكر بها اصلا
راحت وحده من البنات تسال عن التحويل قالوا لها مافيا لا اذا كانت لاعداد معلمات ثانيه وهذي الكليه ما صارت اعداد صارت جامعه والا يضحكوا علينا بس اسم في الوثائق والنتايج والبطاقات...؟؟
الملابس العبره مو في اللون والا الشكل العبره اذا كان ساتر والا لا عندنا ابيض واسود بس مو أي ابيض واسود لازم ساده مقلم ممنوع بلوزه بيضاء فيها خط اسود ممنوع بلوزه سوداء اطرافها مخيط بابيض ممنوع اي بلوزه ابيض اسود مكتوب فيها باي لون ثاني ممنوع بلوزه فتحت الحلق واسعه شويه ممنوع برغم من انه الصدر مغطى والظهر مغطى بس ممنوع والعقاب عليها يسحبوا البطاقه وتنمنع من دخول الكليه تجلس عند الباب الخارجي حتى نهاية الدوام ما تدخل الكليه ما تدخل محاضرات على سبب غبي ....؟؟
مو لازم بلوزه مفتوح تمكن احد ما يتخيل الشكل المقصود تنوره أي لون غير الاسود بني مثلا انحبس عشانها ليه...؟ والله والله والله انها وحده لابسه تنوره بني والله انه حتى الفتحه اللي ورى مافيها وحبسوها على أي اساس ...!!
علما بان الطالبه المحبوسه عند الباب الخارجي ممنوع تجلس معاها أي بنت من الكليه والا توقف عندها شويه _سجن انفرادي_
العبره مو في اللون والا الشكل يمنع اهم شي مايكون شفاف والا عاري ولا قصير انا ما اطلب بانهم يسمحوا بالقصير والبناطيل والشفاف والعاري ما عندي مانع بابيض والاسود بس بس يخفوا شويه اذا الاسواق مافيها الساده من وين نجيب واذا انلبست الالوان ايش فيها اذا اللبس ساتر اذا الاسواق مافيها ملابس حلوه ايش نسوي والله ملابس احيانا تنزل ما تلبس ولا تنشرى والله حتى لو اداك صاحب المحل اللبس هديه وقيمته فوقه ماتقبلي تاخذيه والمشرفات يلبسو القصير والشفاف والعاري والالوان والاكمام القصيره والماسك والفتحات واذا احد قال لهم شي قالوا احنا غير في ايش غير ...؟!
الحين الجو بارد عندنا ودائما يسمحوا بالالوان الغامقه في الشتاء والبرد عندنا في العظم يدخل لدرجه مانقدر نمسك الاشياء من البرد حتى الاقلام والله بدون مبالغه في كليتنا المحترمه مانعين الشالات عارفين ليه ...؟؟ حتى انا ماادري ايش الحكمه بس اذا عرفت اكيد باقول لكم انشاء الله..؟!
واذا تكلمنا قالوا عنا قليلات ادب واذا سكتنا استضعفونا وتمادوا والله انه المشرفات يتعاملوا معانا ولا الحشرات_انسب تعبير_ عندهم اذا الوحده لسانها طويل والله مايقدروا يقولوا لها كلمه واذا الوحده ساكته تتحمل ما يجيها والاغلب يتعامل بتعامل البيئه اللي عاش فيها وتعود عليها ..
الحين بامانه بسال اي بنات ماتحب تتكشه ماتحب تكون مميزه في كل شي في منظرها الخارجي واكيد في اسلوبها وتعاملها احنا طبعا كل هذا وسكتنا وقلنا النظام وماكان علم بس اخر شي صار منعوا الاكسسوات ويصادروها والله اني كنت لابس ربطه فوشي ولبسي اسود سااااااااااده وفصخوني الربطه ...
الغياب ثلاثه والرابع حرمان اكيد الكل يعرف_ اذا مسكو بنت ما دخلت المحاضره طبعا هنا امصيبه مسكوها كتبوها تعهد وهزؤها ودقو خوف اهلها عليها وسوى سالفه مسكو بنت ما دخلت محاضره وكانت توها ملكه وصحبتها جابت لها هديه ومسكوا الهديه معاها دقوا على الام قالو مسكنا بنتك برى ومعاها هديه وقفلوا شوفوا الام بعدها ايش خطر ف بالها لانه السالفه وصلتها خطا طبعا الام خافت على بنتها وتعبت ودخلت العنايه المركزه ضغط وسكر ارتفعت الاب كان متفهم ومسك بنته وفهم لسالفه منها وشاف الهديه وشاف الكرت اللي عليها وعرف الحقيقه لو انه اب عصبي مو متفهم ايش كان سوى كان مسك النبت وقتلها ابسط شي ممكن يسويه وبعدين لطالبه 3 غيبات من حقها غبت في البيت في الكليه مالهم علاقه بعد ثلاثه يتكلموا عشان الحرمان واذا تاخرنا شويه على المحاضره اقل من 5دقايق في الطريق فات الوقت شويه انقل تاخر الصباح ممنوع دخل كذا عادي يطردونا بس اذا فات الوقت ما دخلنا عشان اتهزء لا غلطا نغيب مطرودين والا محبوسين عادي لكن نغيب تعب ظروف معينه نفسيه زفت مارح اقدر استوعب طفشانه تعبانه ممنوع..
اذا جلسنا في اي مكان جو فتشونا المشرفات شويه العميده تشرفنا وحققو معانا ليه جلسنا هنا واذا مشينا قالو انتم تزعجوا المحاضرات لا تمشوا اذا ايش نسوي الاسياب مقفله ممنوع الممرور منها من فوق والا تحت كلها مقفله الاسياب اللي قدام الاداره ممنوع منعا بتا المرور منه واذا احد مر ما يشوف الا العميده تكلم في التلفون طول الوقت وربي ولو تكلم وزير التعليم بنفسه ما تجلس كذا معاه وللمبناء الكليه مدخلين الباب اللي من جهت الادراه مقفل على اي اساس يتقفل ونمنع من الدخول والا لانه من عند الادراه وبس باب واحد مفتوح ....
اتنمى الرد والتعليق على الموضوع والمساعده...

مع احترامي الشديد لجميع اخوننا المصريين _هي مصريه _واكيد مو كل اصابعك سوى يعني
رئيسه القسم المختفيه _رئيسة القسم والوكيله كلهم مصريات_

انتي ذكرتي السبب وفي السبب الاجابة على سوالك ..
للاسف مازلنا في جامعاتنا نعتمد على الاخوة الغير سعوديين - رغم احترامنا لهم - لكن يبقى لكل جنسية ثقافتها الخاصة والمشكلة انو الغير سعودي يحاول تطبيق النظام بصرامه تصل الى التحجر وعدم المرونه ..
لذا لابد من تاهيل السعوديات لقيادة هذه المراكز الهامه النسائية . والا لن تفلح كل الجهود في حل المشاكل
عندنا في العمل اذا كان المدير غير سعودي وبكل اسف تجدين انواع التشدد والتعصب بل والاستفزاز والتطفيش وكلها لاسباب البقاء اطول فترة على الكرسي ..
وهي حالة موجودة في اي مكان يتولاه غير اهله .
اعانكم الله وتستطيعون تقديم شكوى جماعية لتعليم العالي وعساهم يفيدون بشي
وفي العادة مثل هؤلاء لايتركون منفذ عليهم بحجه النظام وتطبيق نصه وترك روحه ..
يعينكم الله والله يوفقكم

الله يعينكم ذكرتيني بلذي مضا سجلت بكلية المعلمات ودرست سنة من العذاب والذل في جدة بس منا الله علي وسجلت في جامعة الملك عبدالعزيز اش اسلوب في التعامل والله ناس محترمة بمعنى الكلمة كانت نقلة نوعية وزي ماقلتي يحسسون الواحد في الكلية كانهم حيوانات محتاجتلهم لاحول ولا قوة الابالله ماقول الا الله يعينكم ويفرجلكم امين وزي ماقال اخوي ساعي البريد لا تسكتون جمعو البنات وشكوا وصدقوني ان شاء الله الا ويسوون شي

الله يعينكم عليهم والله حراااااااااااااام
بس سووا اللي قال عليه اخوي ساعي البريد
وربي يقدم اللي في الخير

أختي الغاليه :: والله أن وضع محزن جدا والله يعينج و تخرجين إنشالله بمتياز وتصبح ذكرى .... ولكن اللهم أرنا الحق حقا والباطل باطلا ....

حبيبتي هذا رائي ولج تقبلينه ولج ترفضينه على راحتج ....

أول شي سالفة الدرجات ما فيها منه الحق معاج وروحي تكلمي وطالبي بحقج بالتي هي أحسن بالحوار العقلاني خوذي معاج كم وحده من اللي تعرف تكلم و تخذ حقكم بالسياسه والهدوء و إذا الوضع ما نفع مالج الا الشكوى و إذا قدرتي تاصلين أكبر راس روحي له ولا يردج أحد ولا ترضين بأي شي حقج كامل .... " الحياة مغامره تحتاج الى الجراءه ....

أما عن موضوع القوانين بصراحه قوانينكم غريبه وسطحيه و متخلفه أنتم وصلتوا مرحله تقدرون تميزون بين الحطاء والصح والحلال والحرام والزين و الشين فليش كل هذا الضغط والتوتر والكبت و أتوقع أن قوانينكم هذي ما لها أي هدف غير الشده والصرامه و التسلط ويعنني حنا ندرس !! و أنا أرى أن مالها داعي لان اللي يدرسونكم حريم بحريم يعني لا يوجد محظور شرعي ..!

مع العلم أنها هذي القوانين موجوده قبل دخولك الكليه لذا يجب عليك أحترامها والعمل بها كامله ....

ثانيا أختي الغاليه :: لكل مقام مقال الكشخه لها مكان والدراسه لها مكان ولكن هذا لا يعني إهمال المظهر بل أهتمي بمظهرك ولكن وفق القوانين المتاحه لك كطالبه ....

وراح أقولج شي والله أني أعشق المكياج و كل شي يخليني أحلا أسويه و كل لبس ألبسه و كل يوم لي شكل غير ولكن في حدود الاسلام والمكان يعني على كثر حبي للمكياج ما عمري حطيت مكياج و أنا خارجه لأي مكان عام و خصوصا الكليه و أنا حاليا طالبه وهو مسموح لنا هذا و أنا تمر علي أيام كثيره أتحقرص على المكياج و أدور أي حيله عشان يبقى أثره و أصبح أحلى ولكن بعده هذا أقتنعت أن الدراسه شي والطلعه والمساير و الكشخه شي ثاني والسبب هو لان لكل مقام مقال ...

تقدرين تكشخين في البيت و عند زميلاتج ولكن بالكليه أنا أرفض هذا المنطق بتاتا ....

أختي الغاليه : أتمنى أن أكون قد أفدتك وسامحيني إذا ضايقتج بشي

شكرا على الردود والمرور على الموضوع واقدر شعوركم واحساسكم باللي احنا فيه من ضغط احنا فيه
وخصوصا اوجه شكري للاخت النصوح على رايها وانا عن جد احترمه وانا معاها اذا حالت انه الكليه مو مكان كشخه بس البنت تحب تظهر بشكل حلو ومرتب بشكل ماتحتاج تحط المكياج لانه الكشخه مو في المكياج بس في النظافه والترتيب والمكياج اصلا يعدم البشره تقومي من الصباح تسدي مسامات وجهك بالمكياج وانا في موضوعي ما كتبت شي عن المكياج
بس طالما انه شكلك مرتب وحاطه اكسسوار في شعرك والا لابسه سلسال باي حق يجو يقولوا شيليه والا ياخذو ربطه من شعرك والا شال عليك
اتمنى تطالعي في باقي الاشياء الثانيه غير الامكياج اللي ماكتبت شي عنه في موضوعي واكيد بتشرف بردك علي مره ثانيه

يا هلا و مرحبا بأحتي الغاليه سما سالي .....

أكيد و يسعدني العوده للحوار معك مره أخرى و إيضاح اللبس ...

أختي الغاليه صحيح أنتي ما تعرضتي للمكياج بموضوعك و لكنني ضربت لك مثال عني شخصيا أنا أعشقه المكياج وهذه مقارنه بين حبي للمكياج وحبك للأكسسوارات واشالات والسلسل و إيضاح لك التصرف الذي أراه أنا صحيح مع العلم بأن الهدف واحد أن البنت تحب تظهر بشكل حلو ومرتب لسبب واحد هو أن المراه فطره و جبلة هكذا تحب الجمال و التزين ....

أختي الغاليه أتمنى أن أتضحة الصوره لك أكثر و أرجو منك قرات ردي مره أخرى والتمعن به ....

وجزاك الله خير على شكرك و أحترام ويشهد الله أنه متبادل ....

فنحن خوات في الله ...

اهلا فيك اخت النصوح وانا قلت من اول انا احترم رايك واقدره وانا ماطرحت موضوعي الا لاني ابغى اراى منكم مشكوره على ردك الثاني علي...
وانا التشرف بمرورك ومرور اي عضو من المنتدى...

وانا غرضي من هذا كله اني ابين لاي حد وصلت كليتنا وربي لو يجوا في يوم يدونا اوراق فيها موديل ويقولوا لنا فصولوا هذا الشي ويكون زي الكليه ويقولوا لنا الجزم بس اسود والشعور ملمومه بكل ابيض واسود بس او شبصات وربي الرحم زي المدارس لانه في المدرسه هذا الشي بس وانتظمنا عليه وماعارضنا او تكلمنا لانه نظام بس زي هذا الكليه اقصد الجامعه اللي احنا فيها ....