اولا شكرا للي دخلوا ::(54)::

وبعدين اسمعوا قصتي <<<<<< مسوية زعلاه ههههه

انا دخلت كلية التربية احياء اللي هيه فرع من الجامعة

المشكلة انها مو رغبتي وانا ما ابغ ادرس فيها

لذلك انا قررت اسحب ملفي يوم السبت

انا مني قادرة اداكر ولا اختبر لاني ما ابغاها

انا ابغ ادخل طب باي طريقه هدا حلمي من زمان

نسبتي في الثانوية 92 وما انقبلت في جامعة الملك عبد العزيز مو بس في الطب في الجامعة كلها

انا ابغ ادرس طب في اي مكان في السعودية سمعت عن البترجي وابن سيناء في مدينتي جدة

بس بصراحة امكانيات اهلي ما تسمح لانها مرة غالية

بس سمعت انه في نظام في البترجي انك ممكن تدرسي على حسابهم وهم يشغلوك عندهم ويستقطعوا من الراتب

افيدوني رزقكم الله بالجنة

اتمنى تساعدوني في تحقيق حلمي

وابغ اعرف في فصل دراسي ثاني ولا لا

وعلى فكرة اللي يعرف اي شي عن الطب في اليمن او السودان لا يبخل علي بالمعلومات واهم شي التكاليف

وان شاء الله كل حرف تكتبوه يكون في موازيين حسناتكم

ولا تنسوني من دعواتكم

اختكم دمووع الليل::(49)::

السـلام عليكم

..

حبيبي حبيت أقولك إن في كليـة إبن سينا تقريبـا نفس نظام كلية البترجي..

هم متعاملين مع صندوق تنمية الموارد البشريه .. تقدر تتعامل معاهم .. تدرس على حسابهم وأول ما تتوظف .. يسير يسحبوا من الراتب تبعكـ..

وبالنسبـة للتكاليف ..: سنة أولى+ثانيه+ ثالثه / 50,0000 وسنه رابع+ خامس+سادس / 60,000

وقوة الدراسـه في إبن سينـا أفضل.. لان ابن سينـا الآن الدفعه الرابعه ..: والبترجي الدفعه الثانيـه..

أتمنى أن أكون أفدتكـ..

دمت بخير

مشكور على مساعدك لي يا دكتور

وانا مستعدة اقدملك اي خدمة بس اكون اعرفها

انت اعطيتني امل في الحياة

والله يوفقك دنيا واخرة

ومعليش يا د. حمودة حطول عليك شوية ::(49)::

حابة اعرف معلومات اكتر عن التقديم والدراسة في ابن سينا

واذا كان في فصل دراسي ثاني ولا لا

وين الصندوق في جدة وايش الاجراءات اللي اسويها ::(50)::

وبصراحة انت زرعت الامل والبسمة في حياتي من ثاني ::(61)::

وانا مديونة لك بخدمة

ولو اقل شكرا لبكرة ما اظن تكفيك ::(51)::

هلا اختي دموع الليل

ادري والله انك على نار وتبغي تعرفي كل المعلومات المتعلقه بالكلية وعن نظام التدريس وكل شي ..

ابشري من عيوني والله بس اخلص يوم الخميس اختبارات واجي اعطيكي كل شي عن الكلية هنـا

الشيئين الوحيدين اللي ما اعرفهم وسألتي عنهم ..

1- الترم التاني ..!
2- الاجراءات ي صندوق التمنيه..!

وبكـره انشاء الله بروح اسألك عنهم ..

الصندوق موقعو قريب جدا من الكليه ..

عموما كمان حاب ابشرك ..ترا في منح من الدوله .. يعني تجيبي معدل مرتفع تاخدي منحه من الدوله .. وتدرسي على حسابهم .. وتسترجعي فلوسك .. وان كان من الصندوق حق التنميه ترجعي فلوسهم لهم .. وتفتكي من شرهم..

ان شاء الله كل هدي الاشياء اكتبلك تفاصيلها بعد بكره باذن الله تعالى ..

وما بينا شكـر .. واجب عليه اني اخدمك ..

وابشري بأي خدمه انا موجود والله .. وتحت امرك بأي وقت



اي استفساار قولي وما يسير خاطرك الا كل خير تبغيه .. واي سؤال صدقيني راح تلقي جوابو ..

اخوكي .: dr hamadah

مشكور اخوي

تعبتك معاي والله يوفقك في اختباراتك

وانا اليوم رايحة اخد عمرة والله لادعيلك من كل قلبي ::(52)::

وابغاك تبشرني كيف الاختبارات

ويا ويلك ادا ما حليت سامع ::(72)::

والله يحققلك اللي تبغاه يا اخوي

السلام عليكم

أختي دموع الليل .: أول شي أحب أشكرك على دعائكـ.. شكلو جاب نتيجـه فعاله ما شاء الله :..

الحمد لله الإختبـار كان ميه ميه ولله الحمد ..

سألتلك عن اذا في ترم ثاني ولا لا.. للأسف واللـه مافي ..!
يقولوا عمومـا الطب مافيه ترم تاني..!

بالنسبه لصندوق التنميه البشريـه ..: آآآآآآآآسف واللـه ما رحت .. ما أقولك نسيت .. أقولك كنت مضيع الدنيـا كلها لأن مافي غير مواااااااااااصلـه .. يادوب كم ساعه نوم ..

اليوم آخر اختبار اللي هو بعد شويه .. حبيت أقلك بسرعه روحي مكـه خدي عمره تاني وادعيلي ..

بعد الاختبار ان شاء الله راح أسألك في صندوق التنميه وأردلك خبر باذن الله.. .

وأعتذر على التـأخيـر

أشوفك على خير

تسلم اخوي حمودة

والله دعايتلك من صماصيم قلبي

ان شاء الله الاختبار يكون عسل

وخد راحتك انا فاضية لانة سحبت من الكلية

ولازم تنام مو كويس تسهر

وانا انتظر ردك

وألقاك بخير::(56)::

هـلا والله اخت دموع الليـل ..
للأسف رحت اليوم أستفسـر عن صندوق التمنيه قالوا راجعنـا بكره ..
بس سألت واحد من الشباب يقول لسـه ما تأكدت سالفـة الصندوق.. بس جاري نفيذ المعاملـه مع الكليـة!
بس ان شاء الله بكـره بجيب الخبر كله من الصندوووق . باذن اللـه ..

واعتذر عن التقصير..

دمتي

السلام عليكم

اخت دموع الليل .. رحت وسألت عن الصندوق
صراحـه قهروني .. يقولوا انهم كل سنه بقرار جديد وفي الصيفيه وقت الاجازه يوصل القرار للكلية..
حالتهم صعبه بصراحه .. بس ان شاء الله خير ..
وانا بتابعلك الأخبـار أول بأول واللـه .. وان شاء الله نصيبك يكـون حلـو يارب..

واعتذر عن الخبر السيء ..

تحياتي

هلا اخوي حموده ::(50)::

تسلم على سؤالك وانا عارفه اني تعبتك

وكل تاخيره فيها خيرة ان شاء الله

واعتذر على التاخير بس ما كان راضي الموقع يفتح

المهم اخر خدمة اطلبها منك

ابغ مكان الصندوق بالظبط بليز

عشان اريحك من الهم

شد حيلك بلا كسل ::(72)::

واحمد ربك على النعمة

والله فيك الخير ::(54)::

ومشكور على المساعدة

بس شكلي راح افقد الامل ::(68)::

انا تعبت خلاص وطفشت والله يكون في عون الجميع ::(66)::

انا احب سمايل<<<<<< بس عشان لا تقول اشفيها هذي ::(46)::

لو علية الكلام كله سمايل ::(52)::

أبشري أخت دموع الليـل راح أجيب لك موقع الصندوق بالضبط..
وبالنسبـه لفقدان الأمل ..: فلا يأس مع الحيــــــــــــــــاة..
وزي ما قلتلك انـا موجود بالخدمـه ..
دمتي بود