الحـ العيوف ـلم
10-10-2006, 04:57 AM
ولله الحمد الحمد صرت اشتغل بالديسل زي الحلاوه من بداية هذا الاسبوع
لكن فيه بعض الاشياء مو راضيه تشتغل معاي بعد هالخدمه حاولت ان ابحث عن حل في المنتدايات المجاورة لكن دون جدوى
المشكله ان الهوت ميل والمسنجر مو راضين ابدا يفتحون معاي وشلون احل هالمشكله؟
ياريت اللي عنده اجابه والا اللي عنده موقع يثق اني راح اجد جواب لمشكلتي ما يبخل علي فيه طبعا غير موقع بوابة الانترنت الرقيمه
انتظر ردودكم
جامعيه دايخه
16-02-2007, 04:10 PM
جرب انك تحط بروكسي وراح يفتح ان شاء الله
طبعآ بروكسي الشركه اللي انت تستخدمها
واذا مافاد خبرني
بوسالم
16-02-2007, 04:37 PM
اتصلي بالشركة وخي رقم البروكس ارقام وليس حروف
واذا امكن اكتبي لي اسم اسم الشركة
راحة بال
04-03-2007, 08:14 PM
الحلم العيوف
اختي مثل مايقولو مصائب قوم عند قوم فوائد
انا ودي اشترك بالدي اس ال
لكن ماعندي خبرت مجرب
وطالبتك خدمه
تقوليلي وش لون اشتركتي بالخدمه وكم دفعتي وحتدفعي
وابيها من طق طق لسلام عليكم
اذا ماعليكي كلفه
الحـ العيوف ـلم
04-03-2007, 08:33 PM
اول شئ تطلبينها من احد مزودي الخدمه اما شركة الاتصالات او اول نت او غيرها من مزودي الخدمه وانا طبعا قدمت من عند الاتصالات طبعا بالاتصال عليهم وراح ياخذون منك اسم صاحب الهاتف ورقم هويته الشخصي واللازم منه ويسأل وش السرعه اللي تبينها!!
طبعا لكل سرعه سعر خاص فمثلا انا سرعتي 256 ادفع عليها 100 ريال ولكن رسوم الاشتراك لاول مره اظنها 500 ريال وماني متاكده بالحيل لانها تجيك مع الفاتوره
بعدين تجلسين فتره انا جلست تقريبا ثلاث سنوات الا على ماجتني الخدمه وطبعا رسوم الخدمه تدفعينها مع الفاتوره زي ما سبق وقلت
بعدين تروحين لأحد شركات الانتر نت وتاخذين من عندهم بطاقه للديسل وانا اخذتها من أول نت ويقولون ان احسن شئ جيل لكن ما القها على سيره , طبعا حتى البطاقات في لها سرعات و هنا راح تجبرين انك تاخذين سرعه تناسب سرعة اتصالك اللي سبق طلبتيها من شركة الاتصالات بالاول , والحين طلعت تخفيضات على رسوم بطاقات الاشتراك يعني اشتراك باول نت فمثلا اذا اخذتي 256 راح تدفعين تقريبا 200 ريال ولمدة شهر
بعدين تروحين تشترين جهاز مودم خاص بالديسل مو تسوين زيي جالسه اتهاوش مع الناس واقولهم عندي مودم والا شلون كنت اول ادخل نت وطلع المودم اللي يقصدونه غير المودم اللي اعرفه
ويقول ان افضل شركة مودم هي LINKSYS ولها موديلين وكلهم زي بعض
المهم تشبكين الاسلاك اللي جايه مع المودم بجهازك وهنا راح تتبعين الخطوات الارشاديه اللي جايه مع نفس الجهاز
بعدين تتصلين على اول نت او الشركه اللي شريتي من عندها بطاقة الاشتراك عشان يفعلون لك اشتراكك ويزبطونه لك
ملحوظه : يفضل شراء موزع لاسلاك الهاتف وهي قطعه صغيره جدا بطول الاصبع حتى يتضح صوت المتحدث عبر الهاتف ولا يطلع عندك وعنده زن وهالقطعه رخيصه جدا اظنها باقل من 10 واذا مره بينصب عليك يقولك 20 او 25 ريال ولا اعرف وش اسمها بالضبط
اتمنى اني افدتك بما عندي واذا اسلوبي مو واضح ممكن انزل ملف شرح صوتي للتسهيل
111112
بوسالم
05-03-2007, 02:25 AM
يعطيك العافية اختي الحلم العيوف
خبيرة كمبيوتر شكلك موهين
بس عندي اضافة انوع المودم linksys ممتاز فعلا ولكن اعداده شويه معقدة وتحتاج خبير ومن مميزاتة امكانية اضافة ربيتر يعني مقوي اشارة
البديل له speedtouch وهذا زي الكرسيدا يشتغل ما يتعب واعداده بسيط جدا ومشكلة الوحيد انه مافيه مشاكل
الحـ العيوف ـلم
05-03-2007, 03:15 AM
شكرا على مرورك وتزويدنا بمعلومات اضافيه
ملحوظه : يفضل شراء موزع لاسلاك الهاتف وهي قطعه صغيره جدا بطول الاصبع حتى يتضح صوت المتحدث عبر الهاتف ولا يطلع عندك وعنده زن وهالقطعه رخيصه جدا اظنها باقل من 10 واذا مره بينصب عليك يقولك 20 او 25 ريال ولا اعرف وش اسمها بالضبط
اسمه فلتر :)
و بالنسبة للبطاقات انا افضل سعودي نت >>>> لانها افضل الشركات واقلهن انقطاع .. عن تجربة :)
موفقين ..
الحـ العيوف ـلم
05-03-2007, 07:36 PM
انا جربت سعودي نت واول نت وهذا العود وهذا طرفه
كلهم يقطعون معاي ويجيبون لي الغثاء بس كن اول نت احسن
طيب احد جرب جيل ؟؟
كثير يمدحون فيه!!
راحة بال
05-03-2007, 07:38 PM
يسلمكم ربي على هالمعلومات المفيده لي جدا جدا
وللاخرين
مشكوره اختي حلم والله يعطيكي العافيه
وترى انا بسويلك الشاي بالنعناع بس لا تدققي
الحـ العيوف ـلم
12-03-2007, 02:38 AM
ههههههه كل شئ منك مقبول وزي العسل
بس متى اشربه من يدك؟