Ineed you
18-02-2008, 05:04 AM
بسم الله الرحمن الرحيم
((أخواني /أخواتي))
أنا راح أموت من الحيرة ::(63)::
أنا طالبة توني نجحت من الاختبار الموت ألا وهو (التأهيلي)::(57)::
من حيره من أمري نفسي بالتمريض أستخرت وحابته
بس أخواني زعلانين يقولون كل شي الا التمريض ماني حابه أزعلهم
وبنفس الوقت مابيهم يدخلون بختياري وعلاقتي فيهم ممتازه وخايفه
تخرب وحتى المجتمع والناس اذا قلت تمريض أكيد يبون يسبون
أرجوووكم محتاجة نصايحكم أنا ابي أموت من التفكير ومابقى شيء
الاسبوع الجاي تبدا الدراسة
واذا في طالبات تمريض ياليت تفيدوني
دائـم ـة السمـو
18-02-2008, 06:18 AM
الله يوفقك فيه مجالات غير التمريض
صيدله طيب
زمرده
18-02-2008, 10:39 AM
موفقه بإذن الله ... لك مني أجمل تحية .
ولاتحيري نفسك ماراح يجيك اللا اللي ربي كاتبه والمثل يقول (لو تجري جري الوحوش غير رزقك محتحوش)ولو تبغي رايي مجال التمريض مجال سهل كلها خمس مواد بس بالوظيفه اكيد شايفه الممرضات بالمستشفى كيف يتعبون بس الصيدله صح مجاله صعب ومواده كثير بس لو ربي كتب علينا وتوظفناراح يكون اسهل بكثر من الاختصاصات الثانيه وكمان مجال الاختلاط فيه قليل شوي
أأسف علاطاله والله يوفقك انشالله ...
الغزال الجريح
18-02-2008, 01:03 PM
وآلله شوفي يآآختي
آنآ قسم مختبر وآنصحكـ مآتخشيه لانه قسم صعب من جد صعب
وفي آلنهآيه آختلاط بنسبه كبيرهـ يعني آنآ آشتغل وهي بجنبي
آنآ يوم رحت آلمستشفى وآشتغلت في عدهـ آقسآمـ
آجد آني آشتغل وآلبنت بجنبي بس آفكرـر حتىآ ولو آختلاط يعني آيش
آقسم بآلله لهآ دينهآ ولي ديني وش دخلني فيهآ وآلبنت بآحترآمهآ تمشي بين 100 رجل
بس عشآنك قلتي الاختلاط اهلك بالمختبر اعتقد اكثر شئ اختلاط
ومنهجه صعب وصآر كله آنجليزي في آلآكآديميه وآلله يستر علينآ
آلمهم قسم آلصيدله فيه آختلاط آيضآ وبنسبه كبيره
آمآ آلتمريض فيه آلآختلاط قليل
آنتي عآرفه في آلمستشفيآت آلحكوميه آلنسآء آلممرضآت لهم قسم لحآلهم
يعني قسم خآآآص في قسم آلنسآء يخش بس الدكتور يفحص المرضى ويطلع
وآلليل كله نسآآء وفقط وبعد لهم حآرس عند آلبوآبه حق دخول قسم آلنسآء يعني
رآح يكون عملك بين نسآء بنسبه 95% آلآ آذآ نزلتي قسم آلرجآل في آلطوآرئ رآح
يكون هنآك آختلاط بنسبه عآآآليه جدآ جدآ
وآنصحك بآلمستوصفآت آلحكوميه لانها قسم آلنسآء لوحدهم حتى التوقيع لوحدهم
وبالموستوصفآت يعني حتى الوحده تخش القسم وتكشف وجههآ عآيدي لان آلمستوصفآت آكثر آمآنآ
وفي آلنهآيه آنآ آنصحك بقسم ( التمريض)
وخآصتآ آنو قبل آقل من شهر صرح رئيس آلشؤون آلصحيه
آنه مستعد لتوظيف آي بنت تتخرج من قسم آلتمريض
ورآتب آلممرضه يبدآ بـ (6000) ريآل
على عكس الممرض يبدآ (5670) ريآل
تقبلي تحيآتي لكي
صيدلانية المستقبل
18-02-2008, 01:36 PM
آلمهم قسم آلصيدله فيه آختلاط آيضآ وبنسبه كبيره
آمآ آلتمريض فيه آلآختلاط قليل
أخي لا أوافقك على هذا الكلام
بل على العكس أقل قسم من ناحية الاختلاط في جميع الاقسام الصحية هو قسم صيدلة
وأكثر قسم يتعرض للاختلاط هو قسم تمريض سواء كان بين المرضى أو بين الدكتور
صيدلانية شاطرة
18-02-2008, 03:45 PM
اقل قسم في الاحتكاك هو الصيدلة
لان بينك وبين المريض فقط النافذة
,,,
عكس المختبرات والتمريض فيها اختلاط كبير بالمرضى
اما الاختلاط بالموظفين فهو موجود في جميع الاقسام
من رئيس المستشفى الى اقل عامل فيه ..
كل الاقسام فيها اختلاط ولكن بدرجات ,,,
::(60)::::(60)::
Ineed you
19-02-2008, 04:27 AM
يعطيج العافية أختي (دائمة السمو)
و(زمردة)و(صيدلانية المستقبل)
و(صيدلانية شاطرة) على المرور والافادة
أخوي(الغزال الجريح) شكرا بصراحة شجعتني
بالتمريض وشكرا للجميع على الاهتمام ::(57)::
دائـم ـة السمـو
19-02-2008, 10:10 AM
الوضع اختلف الان صيدلية النساء معزوله عن الرجال يعني مالك علاقه بالرجال والله
طيب استخيري
Ineed you
20-02-2008, 01:27 AM
أختي ((دائمة السمو))
أنا بصراحة شايلة من بالي
الصيدلة لاني ماأحبها وصعبة
دراستها ::(63)::
شرايكم بالعلاج الطبيعي مطلوب
بالمستشفيات؟؟ ::(57)::
طبعا مو بالاكاديمية بمعهد ثاني
بالله ردوا علي أنتظركم ::(60)::
قصه حزينه
21-02-2008, 02:22 AM
لاتسمحين حق احد يتخذ القرار عنك
لانك في النهايه وحدك المسؤله عن القرار
تحياتي
صيدلانية شاطرة
21-02-2008, 02:49 AM
لاتسمحين حق احد يتخذ القرار عنك
لانك في النهايه وحدك المسؤله عن القرار
تحياتي
كلام اتفق معاه 100%::(48)::::(48)::::(48)::
برستيج
25-02-2008, 05:47 PM
عزيزتي Ineed you انتي في الأول والأخير
ضد مبدأ الأختلاط اذا مالك الا الصيدللللللللللللله::(56)::
كاتمة الأحزان
26-02-2008, 06:38 PM
أختي (برستيج) ::(60)::
بالله افهميني ::(58)::
مع احترامي أكرررررررررررررره
الصييييييييييييييييييييدلة
وبعدين الاختلاط موجود بكل المجالات الصحية
شكرا أختي على المرور والافاده ::(51)::
وحياج عضوه يديده بينا ::(52)::