السلام عليكم اعزائي الاعضاء وحشتوني كتير بس وش نسوي مشاغل الدنيا
واهلا وسهلا بالاعضاء الجدد اللي جو ولا امداني استقبلهم عند بوابة المنتدى وارحب فيهم بزغروطه

المهم موضوعي هذا احترت فيه وين احطه ماني عارفه لاني بخاطب فيه جميع طلاب وطالبات جامعة الملك عبدالعزيز انتظام وانتساب مدفوع وقديم من شتى الكليات العلميه والادبيه ولا بائس اذا بيشاركنا بهالموضوع منسوبين من داخل الجامعه
دورت له مكان مالقيت انسب من الملتقى العام وعاد انا واثقه بالمشرف العام وين ما يبي نقل الموضوع ينقله المهم يكون واضح للعامه عشان يجاوبوني عليه

هو ماهو موضوع بصراحه قد ما هي دردشه
ولا يروح بالكم للدردشه المذمومه بل هي دردشه ممدوحه<<<<توأمها مديحهsmile Big


ابي رأيكم وانتقاداتكم لجامعة الملك عزوز , وش الاشياء اللي يحتاج فيها لتطوير واهتمام وتسليط الضوء عليها اكثر
طبعا من كل النواحي التعليميه وغيرها
وابي اضرب مثال على اختنا الدانة لا الحصر<<<<< لانها البنت الوحيده اللي امون عليها لوولsmile brac

ترد الدانة على موضوعي وتقول:
من الناحيه المناهج 1,2,3,4.....إلخ
من ناحية أساليب وطرق تدريس المدرسين كذا وكذا وكذا ....الخ
من ناحية خدمة الطالب ومساعدته (في بحوثاته ,صحته , جدوله الدراسي وبالذات في الحذف والاضافه , أماكن المحاضرات .....) كذا وكذا وكذ....الخ
من ناحية المنظر العام كذا وكذا وكذا... الخ

يعني بكل شئ يمكن حتى اشياء غفلت عنها بس انتم حطوها وانا بشوف
ويا طلاب فيه اشياء عندكم حنا ما دري عنها ... مثل معاناتكم في مواقف السيارات والسكن و..و..و.. اشياء كثيره يمكن حنا نجهلها

اهم شئ انكم تسلطون الضوء على سلبيات جامعتنا وتقترحون أشياء قد تكون مو موجوده اصلا ...انشالله الشئ اللي ابي اوصله وصلكم وفهمتو وش قصدي ووش اللي ابي


انتظر ردودكم

بسم الله الرحمن الرحيم
أسعد مساء الجميع با الخير والمسرات
اخي وعزيزي ...orkeda
يشرفني أن اكون اول من يعقب على مو ظعك وهو لا يس تعقيب با المعنى المحدد ولاكن تكاد تكون مشاركه با الراي
با النسبه لي أنا هاذي اول سنه لي في الجامعه انتساب
يعني مابعد عانيت من شي ولا اكن أوعد ك بس اشوف شي مو معجبني او راح يتعارض مع مصا لحي الدراسيه راح اكتب على طوووووووووووول
بس على فكره أحنا يا معشر الطلاب والطالبات طماعين شوي نريد كل شي لصا الحنا وهذا اتو قع انه صعب .....
لأبد من التضحيه شوي.....
هاذي وجهت نظر شخصيه وعفويه
وتقبلو مني احترامي وتقديري

شكرا على تعقيبك
احنا طماعين ومع كذا نستاهل والا لوول

اممممم طيب عشان لا احد يفهمها زي مافهمتها انت خلنا نقول لو اعطوك عمادة الجامعة برمتها اكيد بتشتغل فيها وتجدد وتطور وتكتشف اشياء كثيره سلبيه من إداراتها تمس الطلاب والطالبات وممكن بالتالي تمس بسمعتها كأن توصف "بالرجعيه"
وبعدين لا يخفى على الكثير ان مؤسسة جامعة الملك عبدالعزيز مؤسسة حكوميه يعني جب معاك جاروف واحشي من العيوب لين ما ينكسر الجاروف من حيث المفاسد الإداريه والشكليات والتحيزات والمحسوبيات لأشخاص على حساب الباقين
وفيه مقولة انه ماشئ كامل الا وجهه ...يعني الا ماتكون فيه اشياء تحتاج لنقد وبالتالي إلى حلها وتطوير الجامعه

آآآآآآآآآآآآآآآه ثـــم آآآآآآآآآآآه يا أوركيــدا ....


جيتــي على الوتــر الحســاس.....!!!


وشكــراً لأنــك ضربتي فينــي المثــل .... ومــالك إلا اللي يســرك..


حامعــة الملـــك عبــد العزيــز احتضنتنــي أكثــر من خمــس سنــوات ومازلــت غيــر منقطعــة عنهــا...


وكانــت بعينـي كبيــرة ورائــعة بكــل شــيء ...


إلا أن مــن الله علــي بالسفــر إلى الجامعــة الأمريكيــة بالشارقــة للزيــارة وأخــذ تفاصيــل عن الدراســة ورأيــت العجــب العجــاب...

وأخــذت بالمقارنــة بينهـــم بالإضــافــة لجامعاتنــا الأهليــة بالمملكــة العربيــة السعوديـــة أفضــل من نظيراتهــا الحكوميــة ...

نــأتــي من حيــث::

1/ المبانــي : كثيــرة ((على قلــة فائــدة)) ولا يوجــد بهــا اهتمــام مستمــر من صيانــة ونظافــة ...

2/ الدراســة : باللغــة العربيــة 95% وهـــذا يجعــل الطالــب والطالبــة يطــوروا من أنفسهــم بعــد التخــرج ...

3/ المدرسيــن والمدرســات : صحيــح أنهــم يحملــون شهــادات دكتوراة وخبــرة لكــن أعمارهــم يــا دكتــور أسامــة الطيــب فاقــت الخمسيـــن خصوصـاً الأجانــب ورواتبــهــم وبدلات سكنهــم وتأمينــات وتعويــض وكلفــة علاج وسفــر على حسابكــم = أن تــأتــون بمثلهــم كفــاءات بشريــة سعوديــة والبــلد مليــانة...

4/ الأنشطــة اللامنهجيــة : لــم تبــدأو بالاهتمــام بهــا إلا قبــل ثلاثـــة أعــوام فقــط ....

وأخيــراً ..

مــاذكــرته سابقــاً لا يمثــل إلا رأي شخصــي بإنتقــاد لبعــض الجوانــب في حيــن هنــاك جوانــب أخــرى ممتــازة بجامعتنا الحبيبــة ...

1/ رئيســات الأقســام : شعــلة من النشــاط حتــى أنهــم قامــوا بإستبــدال الخامـــدات بمكاتبهـن بأخريــات نشيطــات..

2/ النــادي , الخدمــات الصحيــة ، ممتــازة ..

3/ المكتبــة : أصبحــت متطــورة سنــة بعــد سنــة خصــوصاً بعــد تغيير نظامهــا للفهرس الآلــي إلا أنـه إلا الآن لا بــد من وضـــع استراتيجيــة تعاون بين المكتبـة المركزية بين قسم الطالبــات والطلبــة للاستفــادة من بعضها البعــض ....!!!

4/ دكتــور : أسامــة صــادق طيــب لــك كــل التحيــة والاحتــرام علــى ما تبذلــه من جهــد لتطويــر الجامعــة والنهوض بهــا نحـو العالميــة خصــوصاً تصريحــك الأخيــر بربـط الجامعــة بأنظمــة التعلــم عن بعــد مع الجامعــات الأخــرى....

وشكــراً يا أوركيــدا ....!!!

الحين ماعندكم ابد شكاوي او نقد او اقتراحات جديد على جامعتنا
وش هالوداد ...وش هالرضى
كل شئ بالجامعه عاجبكم ؟؟ من موقعها لمبانيها لتكييفها لأنارتهم لمدرسينها لإدارتها وتعاملهم من الجمهور للمنظر العام لخدماتها !!!
عجيب!!!

angry على فكره هذا واجب عندي في مادة إدارة التنمية كنت ابي اخذ رأيكم عن الاشياء اللي تحبون اننها تتطور وتتنمى بالجامعه عشان الواجب كان عن حدود الجامعه بموضوع تنمية جامعة الملك عبدالعزيز


ما أدري معقوله محد حاب ينمي شئ بالجامعه
ترا التنمية تشمل اشياء عده ممكن الحذف أو الدمج أو الأستحداث أو ترتيب بعض الاشياء
أي من هذه الاشياء يخدم التقدم ويستفيد من التقنيه ويطور الجامعه يسمى تنميه


بإنتظار ردودكمcrying2

لي مداخلة بسيطةيا الحلم العيوف

ربما لن ترضيكي

فقد كنت طالباً منتظماً في كلية العلوم في جامعة الملك قبل خمس سنوات ولمدة عام واحد

لهذا ربما لم تظهر لي كامل السلبيات في الجامعة

لكني اسمع الكثير والكثير من اصدقائي هناك .. في حوش عبد العزيز

<< مع احترامي ولكن هذه التسمية متداولة ولم اخترعها انا

المهم

معاناتي بدأت مع يوم التسجيل في الجامعة

وسوء التنظيم الغريب اللذي حصل تلك السنة

من ازدحام على بوابة مبنى 125 وتدافع واختناق .. وقد صورت جريدة عكاظ تلك الحادثة بمقالة شفت القليل من غليلي

فقد كان سوء الادارة والتنظيم والاحتواء للاعداد المتقدمة واضحا جداً

وبصراحة لا ادري ان كانوا طوروا من انفسهم بعد هذا .. فكما ذكرت كان تقديمي قبل 5 او 6 سنوات

اما معاناتي الثانية وهي ما كلفتني سنة من عمري

فقد كان اختياري الأول للدراسة في كلية الطب وكانت هناك خمس خيارات اخرى اخترت في اخرها كلية العلوم

وللأسف لم يتم قبولي سوى في كلية العلوم وبعد القبول حاولت المستحيل للتحويل الى كلية الطب

لكن جائني الرد من مسئول مرموق في عمادة القبول والتسجيل يعدني بأني اذا اكملت سنة في الكلية وجئت بمعدل ممتاز سيتم تحويلي

وبالفعل درست السنة وكان معدلي 4,86 لكني في الاسف فوجئت بعد هذا بأن لوائح كلية الطب لا تسمح بالتحويل من أي كلية أخرى اليها .. سوى كلية طب الاسنان وكلية التقنية الطبية

لهذا آثرت التحويل الى جامعة عربية

والمستفاد من الموضوع ان بعض الاداريين تسول لهم نفسهم اطلاق اشاعات او وعود واهية قد تودي بمستقل بعض الشباب وهذا ليس لشيء سوى كي يبعدوا عن كواهلهم حمل وقلق سؤال الطالب المتكرر وحرصه على مستقبله

من ناحية الدراسة والقاعات والمستوى التعليمي بصراحة تفاجأت

فمنذ تسجيلي الى تحويلي لم أرى دكتوراً يحمل جهاز كمبيوتر ليشرح عليه

وكان الشرح على طريقة الثانوية بالاقلام والسبورة .. مع ان افقر جامعات الدول العربية في ذاك الوقت قد تستخدم جهاز الدادا شو والكمبيوترات لتسهيل القاء المحاضرات

قد يكون هذا الوضع تغير .. لكن هذا يدل على بطأ حركة التغيير في جامعاتنا

ناهيكي عن اسلوب بعض الدكاترة في التلقين والتحفيظ .. وفقرهم لأساليب التعليم الحديث في الشرح والتفهيم ..

ماذا اقول ايضاً

امممممممممممممممممممممم

المرافق بالطبع حدث ولا حرج

فالكافتيريات والمواقف ودورات المياة ومحسوبية تصاريح الدخول لحرم الكلية .. واشياء كثيرة بصراحه ربما سأعود لتفصيلها لكن لن يسعفني الوقت الآن

وسادع باقي الاخوة يدلي بما لديه

وربما ستكون لي عوده

مع خالص مودتي ،،،،

موضوع يبيله جلسة
وفضفضة بس المشكلة مين راح يسمعنا
بمعنى هل سيصل الى اصحاب الحل والربط والفك والتركيب
ام سيصبح أثر من بعد عين

لكن جائني الرد من مسئول مرموق في عمادة القبول والتسجيل يعدني بأني اذا اكملت سنة في الكلية وجئت بمعدل ممتاز سيتم تحويلي

احد الأخوه تخصص في كلية العلوم وكان يرغب في التخصص في الحاسب الالي وبعد دراست المواد العامه في الكليه تفاجأ بصدور انظمه تمنعه من دخول قسم الحاسب لأسباب، منها انه تم الأكتفاء بعدد الطلاب.

مسكيييييييين أصيب بحاله نفسيه وامضاء فترة تسجيل التخصص في محاولات بأسه لتسجيله في قسم الحاسب الالي، وبعد مضي الوقت تم تسجيله من الكليه في قسم الكيمياء وحاول ثنيهم عن ذلك لكن ...............

بعد مد وجز منه ومن الجامعة استمر المسكييييييييين في قسم الكيمياء (وانتم عارفين اللي يدرس شيء مو مقتنع فيه كيف بيصير وضعه) يقول لي المسكييييييييين (من اول يوم كان عندي محاضره في المعمل (ومحاضرة المعمل تستغرق 6 ساعات) كانت احسب الدقيقه وراء الدقيقة لدرجة اني كنت معروف لدى الدكتور بكثرة خروجي (لدورات المياه) وحريص على اداء الصلاه في وقتها أثناء سماع الاذن مباشرةً وغيرها من الأعذار بحجة الهروب من جو المعمل هذا ناهيك عن المحاضرات).

المسكيييييين هبط معدله وقبل تخرجه بترم ترك الجامعه مع انه باقي له 19 ساعه ويتخرج (لاحظتوا كيف الجامعه ساهمت بشكل او بأخر في تحويل الشخص من طالب طموح الى مريض نفسياً)

ترك الجامعه وفصل منها .

وجلس قرابة السنه في البيت لا روحه ولا جيه.

وبعد فتره إلتحق بأحدى الشركات وعمل بها والأن يكمل دراست البكالوريوس في اللغة الأنجليزيه على حسابه الخاص عن طريق احد المعاهد المعروفه.

ولمن اقابله واتكلم معاه عن الجامعه يقول لي (بالله لا تجيب سيرة الجامعه).

هذه القصه قبل خمسه سنوات

وهذا شخص ثاني دخل كلية الأداب وكان يرغب في تخصص اللغة الانجليزيه ودرس كل المواد العامه في الكليه ولم جاء التخصص رفضوا انهم يسجلوه في تخصص الانجليزي مع انه تنطبق عليه كل الشروط الا شرط واحد عارفين ايش هو( لازم درجتك في الثانويه للغه الانجليزيه تكون فوق 85%) تخيلوا رجعوه للثانويه.

برضه مسكيييييييين حاول وحاول واخيراً خصصوه من عندهم في قسم الاعلام والان يحوس ويدوس في تخصصه.

وشخص ثالث ورابع وخامس.............

وغيرهم الكثير

بس السؤال هو/ ليش ما يتم تحديد التخصص من بدري قبل ما يضيع الواحد كم سنه من عمره وبعدين يقولون له لا مكتفين بالعدد.

خلاصة الكلام/
هذا اللي انشأ عندنا مجموعه كبيره من خريجي الجامعات بلاهويه ولا هدف.
وتجي تسأل الواحد عن تخصصه يقول لك (شكله مر علي).

المشرفة الفاضلة الحلم العيوف

ولو سمحتي لي بمداخلة وانا لا ازيد علي تعقيب الاخوة والاخوات
ما يفيد أكثر منهم الا انة لفت انتباهي تعليق المشرفة النابغة (الدانة)
وهو الفرق مابين الجامعات من حيث المباني والتطوير في شتاء مجالات الجامعة
واضيف مثل في ابسط الامثلة: جامعة الملك عبدالعزيز الزي السعودي شرط علي الطلاب ارتداءة
وما نلاحظة في اغلبية الطلاب العكس
وكأن الجامعة تقول لهم ممنوع لبس الزي السعودي بمعناء
(ان ابسط الانظمة لا تتطبق فكيف باأهمة)
مم يعني ان جامعتناء الموقرة ينقصة الانظباط في جميع المجالات
من ادارة و نظام اكديمي اكثر مرونة ولكم الشكر علي سعة صدركم

ياليتها على الزي السعودي كان تهون

والله شفت واحد الخالق الناطق الهام شاهين

والزيت ينقط من شعره زرافاتاً ووحدانا اللهم لاشماته

الخالق الناطقالهام شاهين

ههههههه

حلوه

لا يوجد تعاون والا ملخصات لماده الحاسب والانجليزي وخاصه قسم الطا لبات وكثرت الرسوب علما ان هناك دفع رسوم المفروض يكون هناك نسبه نجاح ولو مقبول ماهوب شفط فلوس ورسوب

يمكن لأني طالبة إنتساب .. العيب إلي أشوفه في الجامعة إنه موعد الدوره للإنتساب متأخر .. يعني لو يقدموة شوي
بس عندي فكرة أو إفتراح بس مين راح يسمعة؟؟
*ياريت يفتحو "قاناة تلفزيونية" للجامعة
يعني حتى لمن فتحوا في موقع الجامعة قسم "التعلم عن بعد" ما وضعوا لنا في قسم اللغات الأوروبية مواد ليش؟
المفروض يطورو جميع الأقسام الجامعية
و والله الحق ينقال جامعتنا بتتطور ,و أنا بشوف هذا
بس أحياناً البطانة الفاسدة ..........!!!

اولاً أشكر أختي الغالية علينا جميعاً
الحلـــــــــــــــ العيــــــــــــــوفــ ـــم
لي مداخلة بسيطة حسب رواية الكثير من زملائي في جهة العمل وخارج جهة التي اعمل بها.
لماذا لا تقوم الجامعة بوضع خطة شاملة للتطوير من حيث تبحث عن مصلحة الطلاب المنتسبون تقولولي كيف
لماذا لا يقدم تخفيض على الخطوط السعودية أسوه بطلاب كلية التقنية مجرد انك تذهب إلى عمادة القبول والتسجيل وتحصل على تعريف وبعد ذلك تتوجه لخطوط السعةدية للحصول على الخصم.
لماذا لا يكون هناك مراعاه واسعار خاصة بالطلاب المساكين المغلوب على امرهم من حيث تقوم الجامعة بالتنسيق مع اصحاب الغرف والشقق المفروشة للحصول على اسعار منافسة سواءً اثناء فترة الاختبارات او وقت الدورات التأهيلية.
لماذا لا تقوم الجامعة بوضع خطة " إثناء الدورات التأهيليه يعني الي يحضر يستفيد مثلاً بعض الدرو س في بعض المواد زي ما تقدر تقول يعني شرح لبعض المواد مثل المحاسبة، رياضيات، احصاء ، ................. الخ بسعر رمزي بلاش اروح لمدرس خصوصي يمكن يطلاع سباك أو بيطري في النهاية .
ههههههههههههههههههه
لماذا لا تقوم الجامعة بدورة في الحرص على مصلحة الطلاب من حيث آلية وضع الجدول حسب الأيام التي تكون تناسب الطلاب يعني أنا أكون حر في وضع جدولي زي الجامعات خارج المملكة
ياناس العالم تتقدم 10 خطوت الجامعة هممممممممممه سدد الرسوم ولا ....::(82):: ::(75):: ......................
هههههههههههههههه
3000 ريال هم
هم بس زي المنشار طالع وكل ونزل وكل ههههههه
ليه ليه ولماذا لا تكون مراعاه الفروقات الفردية من ناحية وضع أسئلة الاختبارات
لماذا لايكون هناك لجنة مختصة في الجامعة مسؤلة عن مشاكل الطلاب المنتسبون لماذا مع العلم انهم كثر؟؟؟؟؟؟؟؟؟
اي مشكلة مجرد ارسل رسلة عن طريق الأيميل أو رسلة فاكسية
او أوكل احد معارفي بذلك مو لزام انا احضر انا من خارج جدة
هذا رأي والله اعلى واعلم كتبه
فهد العنزان
ابو فيصل 12/5/1428هـ

هلا فيكم جميعا اعدتني مشاركتكم واهتمامك في افكاركم التطويريه للجامعه وذكرتوني فيما مضى
واتمنى ان يسمعنا احد السؤولين ويسوي بما يقدر عليه ويستطيعه من افكار تنمويه للجامعه

بالنسبة لك اخوي فهد العنزان فأشكر لك إطرائك بالأول , ثانيا اظن فيه تخفيض لشركة الخطوط السعودية وهذا نموذج موجود في متصفحك الخاص بك عند دخولك للنظام الالكتروني للموقع الرسمي بالجامعه

اما عن باقي الاشياء فأفكار جدا رائعه ياريت يطبقونها ويكون لك من الحسنات عدد من استفاد منها من طلاب وأهلي الطلاب يارب

بإنتظار المزيد من الافكار والاقتراحات التنموية لجامعة الملك عبدالعزيز

الله يجزاك الجنة
==========
المحب
ابو فيصل
وسأكون بأذن الله أطلع الزملاء وأخذ أفكارهم وبعدين أشوف الي فيه فائدة وبأذن الله أضعه هنا

ثانيا اظن فيه تخفيض لشركة الخطوط السعودية وهذا نموذج موجود في متصفحك الخاص بك عند دخولك للنظام الالكتروني للموقع الرسمي بالجامعه

لطلاب الانتظام فقط اما الانتساب ما لهم الا البر


وبعدين يافهد وش تبغى بالتخفيض اللحين فيه شركة ناس وسما الله يخليهم وبأرخص الاسعار يعني لو سوو تخفيض 90% ماراح يوصل لسعر شركة ناس وسما


لماذا لا يكون هناك مراعاه واسعار خاصة بالطلاب المساكين المغلوب على امرهم من حيث تقوم الجامعة بالتنسيق مع اصحاب الغرف والشقق المفروشة للحصول على اسعار منافسة سواءً اثناء فترة الاختبارات او وقت الدورات التأهيلية.

هاذي الى الان ماصارت وان شاء الله تصير (على يدك يا ابو فيصل)


مثلاً بعض الدرو س في بعض المواد زي ما تقدر تقول يعني شرح لبعض المواد مثل المحاسبة، رياضيات، احصاء ، ................. الخ بسعر رمزي بلاش اروح لمدرس خصوصي يمكن يطلاع سباك أو بيطري في النهاية .

طبقت في ترم من الاترام واظن كان لمادة تحليل كمي ومدتها اسبوعين وبقيمة 500 ريال بس ما أدري استمروا فيها او لا.

من حيث آلية وضع الجدول حسب الأيام التي تكون تناسب الطلاب يعني أنا أكون حر في وضع جدولي زي الجامعات خارج المملكة

وهذا والله ياما تكلمنا مع دكاتره كثير بس للأسف كل دكتور يقول لك انا معاك في اللي تقول لكن ...

مشكور يامحمد على التعقيب
=================
عندي مداخلة أخرى لماذا الجامعة ماتتكفل بالكتب ؟؟؟؟؟ يعني من يوم اقوم بسداد الرسوم يكون هناك ايقونه يقوم الطالب المنتسب بوضع عنوانه صندوق البريد والرمز ويتم ايصال تلك الكتب عن طريق DHL وهذي الخدمة مقابل 3000 الف الي يدفعه الطالب كل بداية الترم ؟

لماذالا تقوم الجامعة بوضع منتدى خاص بطلاب الجامعة منتدى خاص بطلاب المنتظمونوالمنتسبون ويكون الاشراف عليها من الأكفاء من الموظفين والدكاتره
ويكون هناك في المنتدى يعني مثلاً والمنتدى مقسم على جميع التخصصات ويكون فيه تفاعل بين الطلاب والدكاتره وأي ملاحظة أو وجه نظر
ياناس شوف الجامعة العربية المفتوحة صح انهم شفطو دراهمك بس عندهم منتدى يعني طلعوا بشيء و متنفس لطلاب؟؟؟

ختاماً
أقوال ياجامعتي العزيز انتي ما همك الي الفلوس 3000 ريال ينطح ريال
وأخرى مشاكل الجامعة اطلعت عليها عن مشكلة الطلاب الي ساكنين بسكن الجامعة تصدقون يا عالم وهذا الخبر امس موجود في صحيفة المدينة في الملحق يقولون الطلاب " الماء منقطع عن السكن لمدة 30 يوماً؟؟ والمشكلة الأخرى الأثاث؟؟؟
كان ربي في عونهم
==============

وبعدين محمد على طري ناس والشركة الأخرى صحيح انا سعرهم اقل بس لهم شروط تعجيزيه مثل تحديد الرحلات قبل شهر والدفع مقدم وبدون ترجيع وانا ما ادري متى اروح لجدة
وبعدين لابد انا تحدد لك السفر لمدة سنة
==========
محبك ابو فيصل

افكارك جدا رائعه اخوي فهد

يارب نلقى مين يمر على موضوعنا هذا ويسمع لنا ويسوي بأقتراحاتنا يارب مو عشاننا ولكن عشان مصلحة الاجيال من بعدنا

افكارك جدا رائعه اخوي فهد

يارب نلقى مين يمر على موضوعنا هذا ويسمع لنا ويسوي بأقتراحاتنا يارب مو عشاننا ولكن عشان مصلحة الاجيال من بعدنا
صحيح انتي قلبك كبير كبير
===============
ابو فيصل::(56):: ::(56)::

::(49)::
::(62)::
مرسي على الأطراء كلك ذوق

انا مسجلة تيرم ثاني ومادري متى تصدر البطاقة الجامعية في احد يعرف::(49)::::(54)::بليز

السلام عليكم ورحمة الله وبركاته
شكرا اختي الحلم العيوف انا اتكلم عن عدة نقاط اولا نتمنى من المسؤلين أن يراعو ضروف الطلبه المنتسبين وهم يعلمون ان اكثر المنتسبين من خارج جده يعني يبيلهم ميزانيه مصروفات من سكن ومن اكل ومن شراء كتب وحدث ولا حرج من المصروفات ثانيا مشكلة الزحام في المواقف وامام بوابات الكليات لم تحل الى الان وعدم تنظيم قاعات الامتحانات حيث يكون فيه إزدواجيه بين الطلاب والمواد في نفس الوقت وياليت تلاخيص المواد تنزل في المنتدى من نفس الدكاتره عشان يوفرو للي من خارج جده المشوار لحضور الدورات التاهليه
تتوقعون كلامي على ألأقل يقرؤه المسؤلين في الجامعه ( ماأدري وهل يلقى قبول ماأدري)*

أخوي صلي على النبي
هذا الموضوع ليس للأستفسار متى نزول البطاقه الجامعيه وانما لووضع مقترحاتك وانتقاداتك التنويه لجامعة الملك عبدالعزيز

أخي خالد الحربي
يسعدني ويشرفني مشاركتك بموضوعي واقتراحاتك جدا رائعه
أما عن ما يقرأهُ المسؤلين ويلقي القبول فالله أعلم ولكن ما اعلمه انا ان شريحه كبيره من منسوبي جامعتنا ومن الشطرين تتابع منتديات الجامعات السعودية ولكن ليس بأيديهم شيء ممانقترحه , حتى تأخذ اقتراحاتنا محل التنفيذ عليها ان تصل للجهات العليا من الجامعه وهذا ما أشك في وصوله والله أعلم

مرة اخرى يسعدني مشاركتكم

بارك الله فيك أختي الحلم ..
وفي جميع الأخوة الذين تفاعلوا ..
..

الصراحة أرعبتني ردودكم .. حيث أني تخرجت من الثانوية العامة لهذه السنة .. و صدمت بأسئلة الوزارة الغبية .. و حصلت على نسبة جيده جدا .. لكن جامعتنا الموقرة لا تقبل سوى نسب ناطحات السماء .. و الامر الاكثر مرارة .. أن أمر أختيار الكلية التي تناسبك ليس بيدك فهم يحددون على حسب نسبتك المكان المناسب (اللي يضفون وجهك فيه ) غير مبالين بنفسية الطلاب .. ولا بميولهم وطموحهم العلمي !!!!!!
والامر (اللي يقهرررررررررر) اذا أكتفت الجامعة غير معطية سابق علم للطلاب قبل التسجيل ان من ( لا يناسبها وجودهم في الجامعة ) فإنها تحولهم بكل ( تمنن ) إلى كلية التربية !! .. فلم لا يعطى علم قبل أن تجد المتقدمة للجامعة أسمها فجأة وبلا سابق إنذار في كلية التربية !! .. رغم أنه ( يعتبر كرم حاتمي ) إلا أنه من المفترض إعطاء خبر لنا .. !!

و الحمدلله لم يحالفني الحظ بالقبول لا صدفة ولا مجازفة في الجامعة ولا الكلية .. و أستسلمنا للأمر الواقع و قدمنا على البرامج المدفوعة التكاليف .. بسبب عدم توفر (جامعة أخرى تضفنا في جدة سوى جامعتنا الموقرة ) وهذا الامر المبكي المضحك .. و لا أمل لنا بوجود جامعة تستوعب الأعداد الهائلة للمتقدمين لجامعة الملك عبدالعزيز سواء انتظام أو إنتساب .. سوى فتح جامعة أخرى ..

علمت الآن أن المشكلة ليست فقط في جامعة الملك عبدالعزيز التي تتحمل ضغط كبير بإعداد المتقدمين لها .. وعلمها بأنها سيتقدمون لها مذعنين .. لا خيار أمامهم .. طالما أنه لا يوجد جامعة أخرى !!
بل أن المشكلة تطول إلى التعليم العالي ..

و الان أكتب و أنا في غاية الحسرة على طموحي الذي آمل من الله .. أن أستطيع أن أستعيد شئ من تلك الاحلام الوردية التي طالما داعبت خيالي أثناء دراستي على المقاعد الاساسية .. فقد كان حلم دخول كلية الحاسب أغلى ما أتمنى .. ثم توكلت و آمنت بالله بعد حصول على المعدل المتدني نوعا ما .. على التقديم لكلية الادارة والاقتصاد ثم مسار نظم معلومات .. لأفجأ أن القسم أنتقل لكلية الحاسب !!

و الان لا أدري أي تخصص سيناسب ميولي و يرضي أحلامي التي تحطممممت ..

و فوجئت بأمر أغببببببببببببببى وهو أن طالبات الانتساب لا يوجد لديهن سوى دورة تأهيلية وحيدة يتمية مسكينة تتحمل العبء لوحدها !!! لماذا ؟ يا عمادة لا يوجد دورتان أسوة بأخواننا الطلاب .. أم أن للذكر مثل حظ الانثيين !!
والله حرام أعداد المنتسبات كبيييرررة جدااا كيف سيتم استياعبهم في دورة واحدة لما لا يفتح المجال لوجود دورة ثانية !!!؟؟؟؟

و صراحة سدت نفسي ولم أعد أريد أن أعرف موعدها .. خوفا من أن تتجمع المآسي ويكون الموعد متأخراً قبل حتى أن تصلني البطاقة الجامعية .. !!!!


لكن يبقى الامل بالله المجداف الذي نمضي به في هذه الحياة .. ولكل قدر خيرة .. لا يعلمها الانسان الضعيف لعله ابتلاء .. ولعله زيادة في الاجر ..
اللهم اجعلني صابرة شاكرة ..
وفق الله الجميع .. سأبقى متابعة لهذه الصفحة

كان ودي اكمل فيها دراستي بس كرهتوني فيها

^

أختي كل شئ بالدنيا له وجهان ..
ولا يعني أننا نظرنا للجانب الأسوأ أنه هو الحقيقة فقط ..

و التوفيق بيد الله يالغالية .. وكل ما يحدث هي إبتلاءات و التساهيل من ربك منولة ..
توكلي على الله ..

نعم اخت منال كما تفضلت الاخت همه راقية هناك امور ايجابية وامور سلبيه ولو نظرنا جميعنا للسلبيات لما اكملنا دراستنا حتى وان كان فيها ما فيها هذا لا يعني الاستسلام للواقع.

^

أختي كل شئ بالدنيا له وجهان ..
ولا يعني أننا نظرنا للجانب الأسوأ أنه هو الحقيقة فقط ..

و التوفيق بيد الله يالغالية .. وكل ما يحدث هي إبتلاءات و التساهيل من ربك منولة ..
توكلي على الله ..




ونعم بالله اكيد كل شي له ايجابيات وسلبيات
الله يسهل لي ان شاءالله واحقق هالحلم
ننتظر السنه الجديده بفاااااااارغ الصبر

اشكرك همه راقيه
دمتي ودامت ههمك :)

نعم اخت منال كما تفضلت الاخت همه راقية هناك امور ايجابية وامور سلبيه ولو نظرنا جميعنا للسلبيات لما اكملنا دراستنا حتى وان كان فيها ما فيها هذا لا يعني الاستسلام للواقع.


لاللأستسلام للواقع لن استسلم له ابدا ::(48)::
جزاك الله الجنه

صباحكم ورد ::(115)::

يعطيك العافية الحـ العيوف ـلم ع الموضوع ::(54)::

أنا انتقادي ليه مايتخصص الطالب من أول سنة ؟؟؟؟

وهذي الجامعة الوحيدة اللي التخصص فيها بعد سنة عامة

ليه يعني اش تفرق عندهم ما ادري ::(65)::

يعني لازم يشحططو فينا سنة كااااااااملة ::(55)::

وبعدين فيها يقبلونا بالقسم اللي نبغاه وفيها لا ::(76)::

غير كذا بالذات لنا طلاب الانتساب نعرف الأقسام اللي تقبل الانتساب

لأن الموقع بسم الله ماشاء اعتمدت عليه وأكلت على راسي::(81)::

::(71)::

أنا كنت أبغى علم نفس وطبعا الموقع يقول غير متاح

ولأخر لحظة وأنا عندي أمل يمكن تتغير هذي الكلمة

لاكن لا جديد سجلت إدارة واقتصاد ::(111)::

لا تقولو ليه ما سألتي لأن ماعندي أحد أعرفه في الجامعة

وبعد فترة اكتشفت إنهم فاتحين الانتساب في القسم لا ومن سنتين كمان ::(68)::

أأأأأأأأأأخ يالقهر ::(75)::

::(69)::

وعلشان أحول أدوخ سبع دوخات وفيها أدرس القسم اللي أبغاه وفيها لا ::(52)::

علشان كذا أنا مرة محتارة وحالتي النفسية في تدهور أكمل وإلا أحول ::(66)::

أخاف أجازف وأحول وفي الأخير كنك يابو زيد ماغزيت

آه الله يهديهم بس

اختي شمس النجاح

لازم تعرفني انك انسانه محظوظه
لانه مسيره واللي سيرك ربك العالمين واكيد انه اختار لك الخيار الحسن ولاتدرين انتي وش الخيره فيه , وعسى ان تكرهُ شيء وهو خير لكم , وهذا بالضبط ما حصل معك

من رأي انك ما تعاندين بقدرك وماكتب لك وان ترضى بما قسمه الله لك ولا تحولين لعلم نفس والخيار الاول والاخير لكم

أشكرك على مرورك

موضوع مهم يكون في مراقبة على الأستاذات لأن بعضهم بيظلموا في الدرجات وتواصل معهم صعب

أشكرك غاليتي الحـ العيوف ـلم على تعليقك

كلماتك قليلة لكنها وجدت صداها في نفسي

شجعتيني إني أكمل مشواري ::(48)::

كنت محتاجة لدافع كلمة أونصيحة علشان تساعدني في اتخاذ القرار

صح أني كنت مسجلة عن رغبة واقتناع لكن علم النفس كان حلم وعشق وشغف بالنسبة لي

ولما عرفت إنو موجود جن جنوني ::(61)::

وإذا كنت محظوظة فهذا لأني عرفتك ::(58)::

وبما إنك سبقتيني في القسم يلا همتك ساعديني ::(49)::

<<< ماتنعطى وجه ::(95)::

شكرا من كل قلبي ::(54)::

السلام عليكم ورحمه الله وبركاته
في البدايه أحب انى أبارك للطلبه والطالبات المتخرجين من الثانوي وفي نفس الوقت أقدم لهم أصدق التعازي والمواساه اذا كانوا حيسجلوا في جامعه الملك عبدالعزيز في جده ...
انا طالبه في الجامعه سنه رابعه .. ورحت اليوم للجامعه عشان أسجل أختى ..
وماتتخيلوا كيف كان الوضع في المكان اللى يسموه جامعه... والله كأننا في حراج بن قاسم
يعني عيب على المسؤولين ان الجامعه تكون بهذى الفوضى وعدم التنسيق ... اللى يروح هناك يقول ان هذى الجامعه اول مره يمر عليها تسجيل ..
اللى صار ... رحنا من الساعه 7 ونص واتوجهنا للمسرح بعد ماضعنا شويه في الجامعه واحنا نسأل فين التسجيل اللى كل سنه يغيروا مكانه ولايحطوا اى لوح إرشاديه على مكانه او لأى شي تانى ..
وفي المسرح لاتفوتكم المضاربات اللى هناك .. زحمه بنات فوق 300 بنت متجمعين عند باب واحد طبعا الباب خروج ودخول ومقفول ومحديقدر يدخل ليش!!! لانه مره زحمه جوا المبنى وبره المبنى واحنا وقفنا في الشمس ساعه ونص بعدها فتحوا الباب طبعا نصه مو الجهتين ولاتنسوا انه دخول وخروج وطبعا متخيلين انتوا ان الكل يبغى يدخل عشان يسجل ...
ولمه دخلنا جوا مو عارفين فين نروح لانه مافي اى لوحه ارشاديه ولا أى احد ممكن يساعدنا
لأن اللى جوا أخلاقهم مايحتاج نوصفها من التعاون الرائع والاخلاق الواسعه كأننا بنشحت منهم وكل واحده ترمى على التانيه وكل وحده ماشيه تصرخ في البنات كأننا نشتغل عندهم .. فين التعامل الراقي والتعاون .. والمشكله انه كلهم دكاتره وجامعيات (ياحسره) محد منهم فكر ينظم هذى الفوضى أبسط حاجه الطوابير غير موجوده !!
مافي مرشدات.. مافي غير طاوله وحده للتسجيل وكل البنات حولينها وبكل بساطه ممكن تضيع اوراقنا .. يعني انا مو عارفه هم مافكروا انه يصيروا من جد في مستوى الجامعات !!!
يعني لو كان وضفوا بنات الجامعه يساعدوهم في التنظيم اذا هم مايعرفوا .. او يحطوا لوحات ارشاديه او يقسموا البنات في طوابير حسب نسبهم
وحسب الاقسام اللى بيدخلوها !!!( والله انه محل فول بانعمه منظم أكثر من الجامعه على الاقل الناس بتوقف طوابير فيه)
والمشكله والفوضى هذى كل سنه بتتكرر ماعمرهم فكروا يحلوها ؟؟ وله يمكن عاجبتهم ... ( ترى هذى حاجه بسيطه من الفضايح اللى في الجامعه )
والله انى أتحسر انى أدرس في جامعه بهذا المستوى

انا ما كتبت الموضوع هذا الا من قهرى على المستوى السيئ اللى الجامعه تعيشه وعلى أمل ان يوصل كلامى لأحد تكون عقليته متفتحه يستوعب ضروره إعاده تنظيم الجامعه في كل أنظمتها التعبانه ....

هذه صورة حقيقية للجامعة أنقلها لكم عن " بنت الجامعة "
واسف على الاطاله مع انه كان ودى أكتب أكثر من كذا ومهما كتبت ماراح تتخيلوا مستوى الجامعه كيف ..
هذا اول موضوع ليا وراح أحكيكم الحكايات الباقيه قريب ان شالله ... في وقتها
ابن الجامعه (للاسف)

لي تعقيب في الموضوع إذا تسمحي لي ( أختي ) الحلم العيوف بس من واقع تجربت زملائي في العمل منهم من تخرج هذا الفصل ومنهم من هو يكافح لنيل الشهادة وباقي على تخرجه سنه او سنتين في تخصص ( الإدارة العامة - إدارة اعمال بجميع المسارات ) إذا تسمحي لي يا الغلا أشارك بارأي زملائي انا حاضر .

والله كان احسن لو زملائك هم اللي يشاركوننا بانفسهم لكن مو مشكله نسمع منك وش عندهم من أراء؟

مرحبا بالجميع
هو شي طبيعي لو احد درس برا وجاء هنا بيواجه صدمه حضاريه فضيعه
لكن بأمانه بأتكلم وبأبدأ من القبول والتسجيل على سنة انا كانت مرره جيده ومنظمة كان فيه مشكلة واجهتني لكن عموما كان كل شي مرتب ومنظم وعلى فكرة عمادة القبول والتسجيل حصلت على شهادة (الأيزو) (اعتقد!!)
اما المشكلة اللي معقدة الجميع وهي الجداول والحذف والاضافه
يعني انا عندي سؤال محيرررررررررررررررني
ليش يا عالم تحطون الحذف وااضافه على النت ( مسويين مطورين وتكنولوجيا حديث)

طيب كملوا الطور هذا مو نقعد بالأسابيع في الكليات نغير الجداول ونحوس فيها وتطير اول اسبوعين على غير فايجه واحنا من مكتب لمكتب
لا وكمان بعد ما تضبطين جدولك خلاص <<< يغيروه لك من راسهم
هذا الشي اللي مجنني
اما بالنسبة لطرق التدريس والمناهج أعتقد انها في تطور والى الأمام انشاءالله

أختي الحلم العيوف
السلام عليكم ورحمة الله وبركاته
يوم ماشفت الموضوع وهو في بالي بس ماكان عندي ملاحظات
بس الحين الصراحة عندي ملاحظة ومرررره حساسه
نبدأ في القصة
أمس بعد ماطلعت من المحاضرة بالتحديد الساعة (9) اتجهت لدورات المياه الله يكرم القارئين عشان اتوضأ واتفاجأت بإنقطاع الماء رحت مبنى ثاني ونفس الشي ياهوووووووووووووووووووو جامعة ياكبرها مافيها مويه كيف لو كان الواحد محصور وفي نفس الوقت عنده محاضرة حيكون عنده حلين الاول يسويها في نفسه ويلحق المحاضرة والثانية يسيب المحاضرة (وتروح عليه ويطلع بررره الجامعة) عشان يقضي حاجته
وعلى فكره ماهي أول مرره
لازم نشوف حل
يقول المثل (...........................من بررره هالله هالله ومن جوه يعلم الله .....................)

أكيد الجامعة فيها ايجابيات وسلبيات
زي أي مكان في العالم
وأنا عن نفسي أحب جامعتي
صح عانيت في كثير من الأحيان
وخصوصا وقت التسجيل
بس عموما إنما تؤخذ الدنيا غلابا
ومعاناتي ححكيلكم ياها في وقت لاحق لمن يكون في موقف معصبني لسا صاير معايا طازة
عشان أطلع اللي في قلبي مزبوط
عموما زي ماسبق وقلت أنا أحب الجامعة رغم اللي فيها
ولا أفضل أروح لأي مكان تاني وخصوصا إني استخرت قبل لا أدخل الجامعة
أنا أجنبية وماكنت اعرف انهم يقبلون الاجانب بس دعيت ربي انو يخترلي المكان اللي فيه الخير ويحببني فيه
والحمد لله بعد يومين كانت أوراقي في (عزوز)

اسمح لي يا أوركيدا على المشاركة البسيطة أنا طالب مستجد في جامعة الملك عبد العزيز وراح أقولكم معاناتي

إللي خلتني أسافر من مكان سكني من المنطقة الشرقية من مدينة الدمام إلى الجدة 3 مرااااااااااااااااات وعلى إإإإإإإإإإإإإإإإإإإيش؟؟؟؟ راح تعرفون إيش الأسباب ::(57)::

أولاً: أول ما سجلت إنتظرت شهرين كاملين حتى يردون علي في الموقع بالإفادة سواء ان اكون مقبول أو لا !! طبعاً مدير القبول بكبره وبنفسه أرسل لي فاكس يفيد بأنو لا يمكنهم قبولي بسبب أنو شهاداتي وأوراقي ما جتهم إلا متأخر مع العلم أن اوراقي بينت في الموقع انو وصلت لهم قبل ارساله الفاكس بأسبوعين.

ثانياً: بعد ما سافرت جدة أول مرة وصلت إلى عميد القبول والتسجيل وقلت له بالموضوع وعدني بأنه يسعادني وكان متفهم جداً وبصراحة يشكر على هذا المجهود واعطاني افادة اوصلها إلى مدير القبول، رحت إلى مدير القبول وناظرني نظرة نص عين وقال لي كلم فلان الفلاني في صالة الانتساب يعطيني تقرير بسبب عدم قبولك. رحت إلى الشخص المعني وقعد ساعة إلا ربع يقلب في الكاردكس (جهاز كبير لحفظ الأوراق) وما لقى شي المهم جيت له وقلت له تسمح لي؟؟؟ (يعني ادور معك) في الاخير وفي ربع ساعة بالضبط طلعت اوراقي. المشكلة تصنيفهم غلط ووضعوا اوراقي مع شهادات 1421/1422هـ طبعاً المفروض تكون مع 1422/1423هـ بس كل هذا يهون عند المصيبة الثانية.

ثالثاً: بعد ما رجعت وانا فرحان من جدة قالو لي انتظر نهاية الاسبوع عشان تسدد وفعلاً انتظرت إلى نهاية الاسبوع وبين لي على الموقع انو اقدر اسدد رحت كل بنوك المملكة ولمدة اسبوع كامل وانا اراجع البنوك كلهم يقولون لي بالحرف الواحد (ما لك أي بيانات تفيد انك مسجل في الجامعة او على الاقل معلومات بسيطة تفيد بأنو لازم تدفع قسط السمستر).

رابعاً: معاناة ورحلة أخرى إلى جدة، المهم قصتي بدت مع عميد كلية خدمة المجتمع وكان الاخ مسافر بريطانيا ومسافر وتاركني انا وكثير من الطلاب اللي نفس حالتي بدون حل. في الأخير ساعدني موظف جزاه الله الف خير وعطاني وصل موقع من عند عميد كلية المجمتع اللي مسافر لأنو عند انا وصل للدفع مو موقع ولازم اوقعه وكيف اوقعه والاخ مسااااافر؟؟؟؟
الموظف هذا الله يعطيه العافية كان مخبي في درجه وصل موقع وجاهز من العميد بس اعبيه بإسمي واروح اسدد.

رابعاً: قصة من انواع الافلام الهندية الخرافية ::(72):: المهم رحنا نبي نعرف الوصل عند مين اعطيه؟؟ المهم رحت مبنى كلية المجتمع القديمة قالو لي الشخص المسؤول اللي ياخذ بس صورة من الوصل في المبنى الجديد اللي قريب من مبنى القبول والتسجيل رحنا لهم قالو موجود في المبنى القديم الدور الثاني برضو رحنا لهم لقيناه وعطيناه الوصل قال لازم تروح مبنى القبول رحنا لهم قالو لنا لازم تجيب إفادة بإنك مسدد من عميد القبول والتسجيل رحنا لهم اخذنا منه تهزيئة لأنو ما في شي اسمه افادة بالسداد ورحت انا بدوري هزئت الموظف اللي في صالةا لانتساب اللي قال لي الكلام هذا.

طبعاً في الاخير السالفة كلها خلصت في خلال 3 شهور يعني بعد العيد وضيعوا من السمستر هالفترة اللي امداني اكون مخلص نص الكتب على الاقل ::(76)::

بالله في احد يقدر يعطيني رأيه في قصتي؟؟؟؟

كرهته الجامعه وانا لسى بأول سنه جامعه بكلامكم
الله يخاااااااااااااااااااااااااااارجنا بس::(55)::

انا حاقول كلمة الحق واجري على الله

على الرغم من المساوئ الكثيرة والغير معدودة بجامعة الملك عبد العزيز
الا انني الاحظ انها حاليا تدخل مرحلة التطوير والتحسين
يوما عن يوم نسمع عن تحديثات جديدة

ولكن العيب والخلل الواضح في الجامعة والذي لااجد له مبرر
هو دكاترة الجامعة الاجانب مع احترامي الشديد لهم ولكنهم وصلوا الى مرحلة التقاعد
وهناك من بنات البلد من هم احق بمكانها ولاتقولوا لي لايوجد كوادر بشرية محلية تسد محل الاجنبيات
فكل فصل دراسي يتخرج عدد هائل من الطالبات وبجميع التخصصات

انا عندي اقتراح متواضع وهو انه كل عام نمسك الطالبات اللي معدلاتهم عالية وطموحهم كمان عالي ونعملهم دورات تدريبية عن كيفية التدريس واختبارات معينة ونبدا بالتوظيف...

اش رايكم باقتراحي؟؟؟

المباني جدا بعيده
ليه مايصر كل كليه لها مبنى واحد او عالاقل تكون المباني قريبة من بعضها
والمبنى الجديد 420 عالاقل يكون فيه كافتيريا وبوابة بعيييييييييييييد
وياليت يحطون لنا مظلات احترقنا من الشمس
والسيارات اللي تنقل البنات من مبنى لمبنى ياليت يزيدون عددها
والمكتبة المركزية ليه مايكون فيها مكان للدراسة ؟
يعني اللي عندة وقت بين محاضره ومحاضرة امثر من اربع ساعات
وين يجلس ؟ وين يدرس اذا كان عنده امتحان ؟
يزيدون عدد البوابات دايييييييييم ززززززحمه
يزيدون عدد الكافتريات
جد والله معاناه اذا تبي تشتري لك بس مويه تجلس اقل شي نص ساعه ؟؟

هذا اللي جا على بالي ::(54)::