بسم الله الرحمن الرحيم



أحبتي طلاب كلية العلوم بجميع أقسامها.

السلام عليكم ورحمة الله وبركاته

كثر الحديث عن أقسام كلية العلوم والأفضل منها ومستقبل كل قسم ، وكثر الحديث عن وضع كلية العلوم وهل طلابها راضون بالدراسة فيها أم هم مجبرون على ذلك لعدم توفر مقاعد في كليات أفضل !!!

قمت أنا بطرح أسئلة على العديد العديد من طلاب كلية العلوم وبجميع أقسامها فوجدتُ أن الغالبية العظمى لم يخططوا على الدراسة في هذه الكلية ولكن أُجبروا على ذلك لعدم تمكنهم على الحصول على مقعد جامعي إلا في هذه الكلية. وبحثت أيضاً في منتديات الجامعات في أقسام كلية العلوم فوجدت نفس المشكلة.
طبعاً هذا الشئ سيؤثرسلباً على دراستهم وحالتهم النفسية.

وأعيد أنهم الغالبية وليس جميعهم فمنهم والله - أقصد طلاب هذه الكلية - حاصلون على نسب عالية جداً في الثانوية ولم يرضوا إلا بالدراسة في كلية العلوم.



المهم والخطاب لك.

هل فعلاً أنت راضٍ عن الدراسة في هذه الكلية؟!
هل فكرت أو حاولت أن تحول لكليات أخرى؟!
هل ترى أن كلية العلوم كلية ممتازة وتؤيد بالدراسة فيها أم لا؟!!
هل ترى أن مستقبل كلية العلوم جيد والوظائف متاحة؟. (( أعلم أن الرزق على الكريم جل وعلا )) لكن من الواقع سؤالي؟؟


أشكر لكم قرائتكم ماكتبت . والسلام عليكم ورحمة الله وبركاته.

السلام عليكم ..
شكراً على اهتمامك ..
الحمدلله اللي أنعم علينا ودخلنا الجامعة والصراحة أنا راضية جداً عن قسمي وخاصة أنه قسم جديد وأنا من المؤيدات لكلية العلوم وللدراسة فيها .. وأصلا لوما فيه كلية علوم ما تكون للجامعات داعي..
وإذا عن حكاية الوظايف.. كل شي مقدر ومكتوب واحنا علينا السعي والاجتهاد..والتوفيق والرزق من الله ..
وتقبلوا تحياتي.. محبة التقنية الحيوية..

أنا نظم معلومات بجامعة الملك خالد بجد ما كنت متوقعه قسم الحاسب بهذا الصعوبه
وانا ابي أسأل أي أحد بكلية الحاسب بجامعة الملك عبدالعزيز كيف القسم لانو ممكن انقل لجده بليييييييييييييييييييييز ردو لي؟؟؟؟

انا بكلية العلوم الله يعينني والله داخلا هالقسم مجبوره عليه يعني ياذا ياكليه ادبي ولازم ادرس سنه واجيب معدل اذا ابي احول ادعولي انشاء الله احول حاسب [/B][/I][/U][/COLOR]
..

انا من طلاب كلية العلوم وراضية تمامافيها.. ولا يمكن افكر اني احول منها...ومن المؤيدين للدراسه فيها ... وبالنسبه للوظائف كلها بتوفيق من الله ...

أنا مجبورة عليها
ومتكيفه مع الوضع ودرجاتي عالية
والمشكلة ان اللي يدرسون فيها غير 0مهتمين ومن كلمهم احس مايفهمون
ولما اسأل ايه دكنورة سؤال يدخل في تخصصها بكل ثقة تقول ماتعرف الاجابة
شي يحطم النفس
0 0

http://www.ksau.info/vb/farh-nga7/icons/icon9.gif اتمنى الانتساب الى احد فروع كلية العلوم
http://www.ksau.info/vb/images/smilies/;'%20(6)';.gif بدي اطلب طلب اتمنى ان يلبى إن امكن
طلب وليس امر بليززززززززززز
معلومات شاملة عن كلية العلوم الاجتماعية وووووو كلية خدمة المجتمع و التعليم المستمر
اي معلومة تعرفونها
وارسالها ضروري على البريد]
[SIZE=5]ارجوكم احتاجهايوم الغد الاربعاء من اجل الاتحاق باحدى فروع الكلية

ممكن اسألكم عن السنة التاهيلية في كلية العلوم ايش ايجابياتها وسلبياتها وشكرا لكم ؟

السلام عليكم ورحمة الله وبركاته
بالنسبه للسنه االتأهيليه ايجابياتها اول شي تأهيلي لدخول الجامعه احسن من القعده في البيت
ثاني شي المواد الي تدرسيها تقريبا نفسها الي درسناها في الثانوي ولا.. مرات تكون اسهل يعني المنهج قصير
عيبها الوحيد الدوام متأخر يعني مرات من الساعه وحده للساعه 5 او 6هو هذا
اذا عازمه توكلي على الله وسجلي
::(53)::::(53)::::(53)::
::(48)::::(48)::::(48)::::(48)::

ابغا اعرف الين كم يقبلو في السنة التاهيلية

باركولييييييييييييييييي اعطوني موعد للجامعة يعني رشحوني للسنة التأهيلية طبعا الموعد اخر يوم في التسليم بس مو مشكلة ياااااااااااارب الاقي مكان في كلية العلوم

أنا في البداية كنت مرغمة علي دخولها بس والله بعدين استمتعت والحمدلله

مريت بنفس تجربتك أختي طالبة مجدة قبل سنة بس الحمد لله

هم في البداية يقولو انو في نسب محددة للتأهيلي وقالولي على نسبتي ماتضمني انك تدخلي تأهيلي وكانت "84"فنصحتني وحدة من الاداريات بالتسجيل في الانتساب و سجلت "قلت عشين يعني على الاقل اضمن شي" بس قبل ماديهم ورقة السداد كان وقت تسجيل التاهيلي والحمد لله سجلت وصار كل شيء على مايرام
والدوام في الترم الاول من 11ألى 4 بس الترم التاني عشين معمل الفيزياء الين 6 ..يوم واحد في الاسبوع
والمواد بصراحة نفس مواد الانتظام ..عشين الخطه الجديدة السنة اللي فاتت 4مواد الترم الاول و4مواد الترم التاني ......زز بس شدي حيلك وجبيبي معدل عشين تكوني انتظام

"الحمدلله أنا أتحولت لانتظام"

والله يوفقك ويسرلك أمرك

عارفة اختي سبيكة انا زيك جهزت اوراق الانتساب وسبحان اللهربنا ما اراد ادخل انتساب ودخلت تأهيلي في كلية العلوم والحمد لله انقبلت وسجلت ومشي الوضع بس قوليلي كيف الدراسة صعبة ولا سهلة؟؟؟

......يحتاج إلى المذااااكرة .......
..............بس مو مره صعبه وسط... ويعتمد على شرح الاستاذه في توصيل المعلومة.....

انا طالبة علوم تخصص فيزيـاء

بالنسبه لي ولاعمري قد خلت اني ادخل هالكليه ..1 على الرغم من اني علمي لكن ابدا ماكانت بخططي كلية العلوم ..!

وكنت رافتضتها لااهم سبيين (دراستها مو سهله ابدا, والثاني ان مالها مستقبل ابدا بالنسبه لي كابنت )
وثالث شي ماتفيدني على المستوى الشخصي ( ماراح اتعلم لغه مثلا او دين استفيد منه )

وإذا ع التحويل للأسف نظام الجامعه عندنا يشترط دراسة سنه كامله بالكليه وبعدها تقدم طلب التحويل وتجيب معدل لايقل عن 3.75 وبعد ماتتحقق هالشروط يروحون يشوفون الطاقه الاستيعابيه للتخصص الي انت بتغاه اذا في مجال اوكيه ,, مافي دبر نفسك ! او جيب الـ (واو )

فا بالنسبه لي شايله فكره التحويل لانها تعجيزيه من وجهة نظري وممكن يضيع وقتي على غير فايده ..

والفيزياء احبه ومتقبلته لكن مواد الرياضيات هي الي مجننتني وانفجعت بوجودها بالهشكل الدسم !
فا انا افكر جديا اني اطلع من الكليه هذي بصراحــه , ومادري ايش الاسباب الي تخلي الواحد يتمسك فيها ويقدر يكمل ..

ومشكور ع الموضوع اخوي ..

....
انا بصراحه قدمت في الجامعه وما انقبلت

لانو نسبتي 91:( بس امي قالتيلي ادخلك تاهيلي

انا قوتلها مالو داعي ما دام حنقبل في الكليه

وهي نفسها علووم

بس صرااحه الكليه موادها اكتر اما عن الصعوبه

اعتقد الجامعه والكليه نفس الشئ :(

وانا ماني راضيه عن كليتي مراا لانو كنت

ابغى تقنيه طبيه :(

بس يارب تنفتح نفسي :)

اما الوظايف قالتلنا العميده انو طالبات

الاحياء والكيميا يقدروا بدورات

يسيرو مختبر ومادري ادا صح او لا

بس من جد موادنا اصعب ومستقبلنا في الوظايف اقل :(

عموما يارب يحلها من عندو :)

....

نعووومهـ :)

صدقت اخوي
انا من الطلاب الي كنت ما توقع اني ادخل كلية العلوم بجامعة الملك عبدالعزيز مع انه نسبة ولله الحمد عالية ..

وانقبلت في تخصصات ممتازة في جامعات اخرى لكن الواحد يرضى بنصيبه ..
واشاء الله نشد حيلنا ونحول .
بإذن واحد احد
وشكرا

السلام عليكم...
انا لا اعرف لماذا كل الطلاب يقولون انهم مجبرون على كليه العلوم..بالنسبه لى انا كنت اتمناها من الثانويه ..انا اعرف ان الجميع يقولون انها ليس لها مستقبل وخصوصا فى البلاد العربيه..ولكنى اقول يجب أن تؤمنوا بالتغير..فهذه الكليه هى مستقبل البلاد لمل تنجب من العلماء فى جميع المجالات..وإذا تغير حالها فى البلاد العربيه تغير حال البلاد من التقدم العلمى ..فأرجوكم امنوا بالتغير إلى الأفضل ولا تيئسوا وستحصلون على نتائج لاتحلمون بها..