التدريب وما ادراكم ما التدريب؟؟؟؟؟؟؟؟؟؟؟؟؟؟؟؟؟؟؟؟؟ [الأرشيف] - منتدى الجامعات السعودية ، الجامعات العربية

قصمنجية

06-04-2007, 12:58 AM

السلام عليكم ورحمة الله وبركاتة

أحب أقولكم يا اخواني واخواتي الاكاديمين..

عن التدريب الي بالمستوى الثالث والرابع انه هو الاساس في دراستكم واصروا عليه بس لازم يكون بمستشفى صنع(زين)..

انا احكيلكم عن سالفتي مع التدريب..

لما كنت بمستوى ثالث طلبنا تدريب من اكاديمة الرياض بنات واصرينا عليه..

الموهم شو صار؟؟

قالوا عشان عددكم كبير مافي اي مستشفى يقبلكم وحنا عددنا 17 بنت
(اكيد الخبلان محد يقبلنا كلنا)

الموهم في نهاية الترم قبل الاختبارات باسبوع ونص قالو يلا روح اتدربوا اسبوع ونص في مستشفى التأمينات(رعاية الرياض) وعبيد التخصصي..

ومن الفرحة رحنا وحنا مررة مبسوطين وخلاص حسينا اننا تقنيات صيدلة من جد..

شو صار معنا هناك؟؟

قولوا وشو ماصار::(1)::

طلعوا عيننا عشان نتدرب ونتعلم ومحد يناظر فيك اذا تبي شي ..

عن نفسي انا كنت لصقة جونسون هههههههههههههههاي..

ما خليت احد ما نشبت فيه وسألته حتى الممرضات اسالهم من اللقافة عشان اتعلم..

الحمدالله اتعلمت شوية في UNIT DOSE وعدينا على خير وطلعنا مستوى رابع..

وما ادراكم ما مستوى رابع؟؟

حسيت راسي راح يشيب من اسماء الادوية الكثيرة لكن نقول الحمدالله..

ونجي للتدريب شو صار معنا.؟؟

لطعونا شهر ونص في البيت اثين واربعاء نايمة بالبيت تخيلوا؟؟؟

وابوي كل اثنين وابعاء يصيح علي بالصباح يقول انا ادفع عشان تقعدين بالبيت نايمة؟؟

الموهم قعدنا زن على راسهم الين طلعونا تدريب الحين..

4 بنات في المستشفى المللك خالد الجامعي والباقي في السعودي الالماني..

الحمدالله طلعت مع بنات الجامعي واول يوم كان امس الي داومت فيه بالجامعي..

وش اقولكم ياناس وش اقولكم؟؟؟

لما رحنا هناك عالم ثاني كل الناس الي هناك تحسها مثقفة وفاهمة الدنيا صح..

وغير كذا من جد في الصيدلة ما تقعدين دقيقة من كثر الشغل مع انه في بنات تدريب غيرنا جاين من جامعة الملك سعود..

وصراحة مع انه معدلي الحمدالله مرتفع واحب اطلع كثير على النت والكتب بس حسيت نفسي خرطي هناك..

وكل الي درسته خرطي واني انا ما ليا داعي بالشغل..

يعني خرطي بخرطي................

ادعولي بس..

الموهم ياحلوين ادري طفشتكم بسواليفي لكن ياليت نكون يد وحدة ونحكي لبعض كل سواليفنا وشلون التدريب معنا وكذا..

تحياتي اختكم/قصمنجية